उत्तर कोरियाले आइतबार फेरि एउटा ब्यालेस्टिक मिसाइल परीक्षण गरेको छ । दक्षिण कोरियाली सेनाले यो जानकारी दिएको हो । सेनाले एक विज्ञप्तिमा भनेको छ –उत्तर कोरियाले पूर्वी तटतर्फ समुन्द्रमा मिसाइल प्रहार गरेको छ । उत्तर कोरियाले प्योङयाङबाट १०० किलोमिटर टाढा यो मिसाइल परीक्षण गरेको सेनाले जनाएको छ ।
यो परीक्षण अमेरिका र दक्षिण कोरियाको संयुक्त सैन्य अभ्यासको बीचमा गरिएको हो । संचार माध्यमका अनुसार यो परीक्षणको कारण दक्षिण कोरिया र अमेरिकाबीचको घनिष्ठ सम्बन्ध हो। अमेरिकाकी उपराष्ट्रपति कमला ह्यारिस छिट्टै दक्षिण कोरियाको भ्रमणमा जाँदैछन् । उनको दक्षिण कोरिया आउने मिति तय भइसकेको छैन, तर रिपोर्टका अनुसार उनी जापानका पूर्व प्रधानमन्त्री शिन्जो आबेको राजकीय अन्त्येष्टिमा सहभागी भएर सेप्टेम्बर २७ मा दक्षिण कोरिया जानेछन् ।
प्रतिबन्धका बाबजुद उत्तर कोरियाले क्षेप्यास्त्र परीक्षण गरिरहेको छ
आणविक र ब्यालेस्टिक किलर परीक्षण गरेको भन्दै संयुक्त राष्ट्रसंघले उत्तर कोरियामाथि प्रतिबन्ध लगाएको छ । संयुक्त राष्ट्र सुरक्षा परिषद्को कानून अनुसार उत्तर कोरियाले आणविक र ब्यालिस्टिक मिसाइल परीक्षण गर्न पाउदैन। यसका बाबजुद पनि लगातार मिसाइल परिक्षण भैरहेको छ । यसअघि मे महिनामा पनि मिसाइल परिक्षण गरिएको थियो ।
उत्तर र दक्षिण कोरियाबीच तनाव बढ्दै गएको छ
दक्षिण कोरियाको राष्ट्रपति कार्यालयका अनुसार राष्ट्रिय सुरक्षा निर्देशक किम सुङ-हानले मिसाइल परीक्षणको जानकारी पाएपछि आपतकालीन राष्ट्रिय सुरक्षा बैठक बोलाएका थिए। यस क्रममा उनले भने–उत्तर कोरियाले संयुक्त राष्ट्र सुरक्षा परिषद्को कानूनको उल्लंघन गरेको छ । यसले दुई देशबीचको तनाव बढेको छ ।
उत्तर कोरियाले तिब्र रुपमा सैन्य क्षमता बढाइरहेको छ
उत्तर कोरियाले आफ्नो सैन्य क्षमता तिब्र गतिमा बढाएको छ । यसअघि पनि उत्तर कोरियाले धेरै क्षेप्यास्त्र परीक्षण गरिसकेको छ । यसमा नयाँ प्रकारको लामो दूरीको क्रूज मिसाइल र हाइपरसोनिक मिसाइल प्रक्षेपण समावेश छ। एपीएन न्युजका अनुसार उत्तर कोरियाले सन् २०१७ यता ३० भन्दा बढी ब्यालेस्टिक मिसाइल परीक्षण गरिसकेको छ ।
उत्तर कोरिया अहिले एउटा आणविक हतियार राष्ट्र हो
हालै उत्तर कोरियाले आफूलाई आणविक हतियार राष्ट्र घोषणा गरेको छ । यसका लागि उत्तर कोरियाले नयाँ कानुन पनि पारित गरेको छ । कानुन अनुसार यदि उत्तर कोरियालाई धम्की दिइयो भने उसले खतरा हुने कुनै पनि देशमाथि परमाणु हमला गर्न सक्छ। किम जोङ उनले जुलाईमा अमेरिका र दक्षिण कोरियासँग लड्न आफ्नो देश आणविक शक्ति प्रयोग गर्न तयार रहेको बताएका थिए ।
(संचार माध्यमहरुको सहयोगमा )
सत्य, तथ्य र स्वतन्त्र सामूदायिक डिजिटल मिडिया
