शाहरुख खानको पठानले फिल्म रिलिजको १९ औं दिनमा फेरि एकपटक चर्चामा आएको छ । अघिल्लो दिन अर्थात शनिबारको कलेक्शनपछि यो फिल्मले आइतबार पनि राम्रो व्यापार गर्ने अनुमान गरिएको छ ।
बक्स अफिसमा पठानको छर्लाङ्ग:
शाहरुख खान लामो समयपछि फिल्म पठानबाट ठूलो पर्दामा मुख्य नायकको रुपमा फर्किएका हुन । यहि कारणले शाहरुखको चलचित्र हेर्न दर्शकहरु हलमा पुग्ने गरेका छन् । पठानले हालै यशको ‘केजिएफ़ २’ को हिन्दी संस्करणको कीर्तिमानलाई तोडेपछि अब फिल्म बाहुबली २ लाई उछिन्न तिब्र गतिमा अघि बढिरहेको छ।
फिल्मको कमाईको कुरा गर्ने हो भने पठानले अहिलेसम्म धेरै रेकर्ण बनाएको छ । पहिलो विस्तारित हप्तामापठानले ३६४.१५ करोडको व्यापार गरेको थियो । जसमा हिन्दी भाषामा ३५१ करोड, तेलुगुमा ९ करोड र तमिलमा ४.१५ करोड कमाएको थियो । र दोस्रो हप्तामा पठानले ९४.७५ को व्यापार गरेको थियो । यसबाहेक पठानले तेस्रो शुक्रबार ५.९ करोड र शनिबार ११.२५ करोडको व्यापार गरेको छ ।
यतिबेला पठानको तेस्रो आइतबारको तथ्यांक पनि आएको छ । प्रारम्भिक तथ्याङ्क अनुसार पठानले १९ औं दिनमा उत्कृष्ट छर्लाङ्ग गर्दै १४ करोड कमाएको छ । आइतबारको कमाइ सगै पठानको कुल कलेक्सन ४९०.०५ करोड पुगेको छ । पठानको कमाईलाई हेर्दा पठानले छिट्टै चलचित्र बाहुबली २ लाई पछाडि छोड्ने अनुमान गरिएको छ ।
(फिल्म हंगामा लगायत भारतीय संचार माध्यमको सहयोगमा )
सत्य, तथ्य र स्वतन्त्र सामूदायिक डिजिटल मिडिया
