वागनरका प्रमुख येभगेनी प्रिगोजिनले सोमबार शहरको प्रशासनिक भवन रुसी नियन्त्रणमा रहेको दाबी गर्दै बखमुतलाई “कानूनी अर्थमा” कब्जामा लिएको बताएका छन् ।
“कानुनी अर्थमा, बखमुतलाइ लिइएको छ,” वागनरका प्रमुख येभगेनी प्रिगोजिनले सोमबार अनलाइन सेवा टेलिग्राममा भनेका छन् ।
युक्रेनी सेनाले यसअघि बखमुतलाई “होल्ड” गरिरहने बताएको थियो। यद्यपि, युक्रेनी राष्ट्रपति भोलोडिमिर जेलेन्स्कीले “कठिन” अवस्थालाई स्वीकार गरेका थिए।
वागनरका प्रमुख प्रिगोजिनका अनुसार युक्रेनी सेनाले “पश्चिमी क्षेत्रहरूमा ध्यान केन्द्रित गरिरहेको थियो”। उनका अनुसार सहरको प्रशासनिक भवन रुसी नियन्त्रणमा थियो ।
टेलिग्राम पोस्टको साथमा रहेको भिडियोमा, वागनरका प्रमुखले आइतवार सेन्ट पिटर्सबर्ग क्याफेमा बम आक्रमणमा मारिएका रूसी सैन्य ब्लगर भ्लाडलेन टाटारस्कीको सम्मानमा शिलालेखसहित रूसी झण्डा बोकेको देख्न सकिन्छ।
सत्य, तथ्य र स्वतन्त्र सामूदायिक डिजिटल मिडिया
