टर्की–सिरियामा गएको शताब्दीकै सबैभन्दा विनाशकारी भूकम्पमा हालसम्म ३३ हजारभन्दा बढीको ज्यान गएको छ भने भूकम्प गएको १२२ घण्टापछि तीन महिलाहरु लाई जिवितै उद्वार गरिएको छ । तीमध्ये पहिलो महिला ७० वर्षीया मेनेक्से ताबाक हुन्। दोस्रो ५५ वर्षीय मसल्लाह सिसेक र तेस्रो ४० वर्षीय जेनेप कहरामन हुन्। जेनेप १०४ घण्टापछि भग्नावशेषबाट जिउँदै निकालिने पहिलो महिला थीइन ।
७० वर्षीय मेनेक्सेलाई एम्बुलेन्सद्वारा कम्बलमा बेरिएको कहरामनमारस प्रान्तको अस्पतालमा लगिएको थियो, जबकि मसल्लाहलाई दक्षिणपूर्वी टर्कीको सबैभन्दा ठूलो सहर दियारबाकरको भवनको भग्नावशेषबाट निकालिएको थियो। अर्कोतर्फ किरिखान सहरकी जेनेप कहरामनलाई भग्नावशेषबाट सकुशल निकाल्नेबित्तिकै स्ट्रेचरमा लगिएको थियो । उसको आँखालाई उज्यालोबाट जोगाउन कालो चश्मा लगाइएको थियो । त्यसपछि उनको कान्छी बहिनी जुबायदेले उद्धार कार्यकर्ता स्टीवन बेयरलाई अँगालो हालेकी थिइन् । अब म चमत्कारमा विश्वास गर्छु, बेयरले प्रतिक्रिया दिएका थिए ।
भग्नावशेषमा १० दिनको नवजात शिशु जिउँदै फेला
टर्की-सिरियाको विनाशका धेरै भिडियो र तस्बिरहरूले मान्छेलाई अचाम्वित बनाउछ। उज्यालो थर्मल कम्बलमा बेरिएको यागिज उल्स नामका १० दिनको नवजात शिशुलाई भग्नावशेषबाट जिउदै उद्धार गरिएको छ । दक्षिणी प्रान्त हातेमा भूकम्प गएको ९० घण्टापछि १० दिने शिशु र उनकी आमालाई जिउँदै निकालिएको थियो । जिउँदै बाहिर आउने क्रम अहिले घटेको स्थानिय संचार माध्यमले जनाएका छन्।
A baby was pulled alive after spending 120 hours under rubble pic.twitter.com/GubtY76IL7
— Muhammad Smiry 🇵🇸 (@MuhammadSmiry) February 11, 2023
(स्थानिय समाचार माध्यमको सहयोगमा )
सत्य, तथ्य र स्वतन्त्र सामूदायिक डिजिटल मिडिया
