नेपालमा कोरोना भाइरसको नयाँ ओमिक्रोन भेरियन्टबाट थप २४ जनामा संक्रमण भएको स्वास्थ्य निकायले पुष्टि गरेको छ ।
पछिल्लो समय जीन सिक्वेन्सिङका लागि पठाइएका २४ वटा नमूनामध्ये सबै ओमिक्रोनबाट पुष्टि भएको स्वास्थ्य तथा जनसंख्या मन्त्रालयले जारी गरेको विज्ञप्तिमा उल्लेख छ ।
पौष महिनामा सङ्कलन गरिएका एक हजार १ सय ४६ वटा कोरोना पोजिटिभ नमुनाको स्क्रिनिङका क्रममा २५० एस–नेगेटिभ देखिएको मन्त्रालयले जनाएको छ ।
२४ नमूनाहरूको जीन अनुक्रमण गर्दा ती सबैमा ओमिक्रोन भेरियन्टहरू भेटिएको मन्त्रालयले जनाएको छ ।
स्वास्थ्य तथा जनसङ्ख्या मन्त्रालयका प्रवक्ता संगीता कौशल मिश्रले सबै अस्पताललाई कोरोना भाइरसको संक्रमणबाट सतर्क रहन आग्रह गरेकी छन् ।
लेखक
सत्य, तथ्य र स्वतन्त्र सामूदायिक डिजिटल मिडिया
