सन् १९६२ मा वीस वर्षको उमेरमा अमेरिकाको विस्कन्सिन राज्यस्थित रिड्सबर्ग सहरबाट हराएकी अड्री बेकबर्ग ६३ वर्षपछि जीवित फेला परेकी छिन्। साउक काउन्टी शेरिफ कार्यालयले हालै एक प्रेस विज्ञप्ति जारी गर्दै बेकबर्ग सुरक्षित रूपमा अर्कै राज्यमा बसोबास गरिरहेको पुष्टि गरेको हो।
हराएको धेरै वर्षसम्म विभिन्न प्रयासहरू गरिए तापनि, कुनै ठोस जानकारी फेला नपरेपछि यो केस ‘कोल्ड केस’को रूपमा रहँदै आएको थियो। तर यसै वर्ष, पुराना केसहरू पुनः अन्वेषण गर्ने अभियान अन्तर्गत बेकबर्गको केस एक अनुसन्धान अधिकृतलाई तोकिएको थियो।
उनले पुराना फाइलहरू पुनः अध्ययन गर्दै, विगतका साक्षीहरूसँग पुनः कुराकानी गरेपछि नयाँ जानकारी प्राप्त भयो। त्यसकै आधारमा, शेरिफ कार्यालयले अब पुष्टि गरेको छ कि अड्री बेकबर्गको हराइ कुनै आपराधिक क्रियाकलाप वा जबर्जस्ती नभएर, आफ्नै इच्छाले भएको थियो।
शेरिफ चिप माइसटरले भनेका छन्, “यो केसको समाधानले हामीको निरन्तर प्रयास, पुराना अनुसन्धानकर्ताको योगदान र परिवार तथा समुदायलाई जवाफ दिने हाम्रो प्रतिबद्धता देखाउँछ।”
सत्य, तथ्य र स्वतन्त्र सामूदायिक डिजिटल मिडिया
