एप्पलले आफ्नो आगामी आईफोन १४ सिरिजको भारत र चीनमा एकैसाथ उत्पादन सुरु गर्ने भएको छ । एप्पलले सेप्टेम्बर २०२३ मा आइफोन-१४ सिरिज रिलिज गर्ने बताइएको छ ।
भारतीय अखबार बिजनेस स्ट्यान्डर्डका अनुसार आईफोन १४ भारतका साथै चीनमा पनि उत्पादन हुनेछ । भारत र चीन दुवै देशबाट विश्व बजारमा आपूर्ति हुनेछ ।
कम्पनीका विश्लेषक मिङ-ची कुओले ट्वीटर मार्फत उक्त घोषणा गरेका हुन्। जारी भूराजनीतिक तनावका कारण चीनमाथिको निर्भरता कम गर्नका लागि आइफोन १४ को नयाँ सिरिज भारतमा उत्पादन गरिने उनले बताएका छन् ।
विश्लेषक कुओले आफ्नो ट्वीटरमा आइफोन १४ सिरिज अन्तर्गत आइफोन १४ म्याक्स र आइफोन १४ प्रो म्याक्स भारतको चेन्नईस्थित फक्सकन प्लान्टमा निर्माण गरिने बताएका छन् ।
यदि कुओको भविष्यवाणी सत्य साबित भएमा पहिलो पटक एप्पलले अर्को देशमा नयाँ आईफोनको उत्पादन चीनका साथ् एकै समयमा गर्न सफल हुनेछ ।
नयाँ आईफोन १४ मा ६.१ इन्चको डिस्प्ले रहेको बताइएको छ । आईफोन १४ म्याक्स र आईफोन १४ प्रो म्याक्स मा ६. ७ इन्चको डिस्प्ले हुने अपेक्षा गरिएको छ।
विभिन्न रिपोर्टका अनुसार एप्पलको नयाँ आईफोन १४ को बजार मूल्य ७९९ अमेरिकी डलर हुने अनुमान गरिएको छ
सत्य, तथ्य र स्वतन्त्र सामूदायिक डिजिटल मिडिया
