पत्रकारका लागि सबैभन्दा खतरनाक तथा जोखिमपूर्ण मानिएका विश्वका देशहरुमा पाकिस्तान थपिएको छ । अफगानिस्तान र चीन जस्तै पाकिस्तानमा पनि पत्रकारिता जोखिमपूर्ण बनेको छ । पाकिस्तानी अखबार डनले आफ्नो रिपोर्टमा पाकिस्तानको संसदीय मामिला मन्त्री मुर्तजा जावेद अब्बासीले शुक्रबार सिनेटमा गत चार वर्षमा पाकिस्तानमा ४२ पत्रकार मारिएको जानकारी दिएको बताएको छ।
पाकिस्तानमा पत्रकारिता जोखिमपूर्ण
पाकिस्तानको सूचना मन्त्रालयको तथ्याङ्कअनुसार पाकिस्तानमा मारिएका पत्रकारमध्ये पञ्जाब प्रान्तमा १५ पत्रकार, सिन्ध प्रान्तमा ११ पत्रकार, खैबर पख्तुनख्वामा १३ पत्रकार र बलुचिस्तानमा तीन पत्रकार मारिएका छन् । पाकिस्तानी मन्त्रालयले पत्रकारहरुलाई आतंकवादीहरुले गोली हानी मारेको वा उनीहरुलाई विभिन्न ठाउँमा निशाना बनाएर मारेको बताएको छ ।
पाकिस्तानी अखबार डनको रिपोर्ट अनुसार कारबाहीमा परेकाहरुलाई विश्लेषण गर्दा तथ्याङ्कले पञ्जाब प्रान्तमा पत्रकारलाई निशाना बनाएको आरोपमा सातजना संदिग्ध पक्राउ परेका छन्, जसमध्ये दुई जना अहिले धरौटीमा छुटेका छन्। पक्राउ परेका सातमध्ये पाँच जनाको मुद्दा चलिरहेका छन् भने आठजना फरार छन् । एक जना अभियुक्तलाई अदालतले रिहा गरेको छ । एकै साथ सिन्धमा चार संदिग्ध पक्राउ परेका छन्, जबकि सात ट्रायल अन्तर्गत छन्। केपीमा दुई अभियुक्तले सफाइ पाएका छन्, चारजना मुद्दा चलिरहेका छन् भने एकजना फरार छन् । बलुचिस्तानमा दुई संदिग्धहरू भागेका छन्, जबकि एकजना मुद्दाको सामना गर्दै छन्, एक संदिग्धलाई सजाय दिइएको छ र अर्को अनुसन्धानको सामना गरिरहेको छ।
पत्रकारको संरक्षणमा सरकार असफल
सिनेटमा बोल्दै जमात-ए-इस्लामी पार्टीका मुश्ताक अहमदले संघीय र प्रादेशिक सरकार पत्रकारको सुरक्षा गर्न असफल भएको बताएको डनको रिपोर्ट जनाएको छ । यदि अपराधीहरू समातिएको भए अरशद शरीफ शहीद हुने थिएनन्, उनले भनेका छन्। हालै केन्यामा प्रसिद्ध पाकिस्तानी पत्रकार अरशद शरीफको गोली हानी हत्या भएको थियो, जसका लागि इमरान खानले खुलेरै पाकिस्तानी सेनालाई जिम्मेवार ठहर गरेका थिए । तर, पत्रकार हत्याको यो रिपोर्टमाथि पनि प्रश्न उठेको छ । बलुचिस्तान अवामी पार्टीका सिनेटर दानेश कुमारले रिपोर्टको हवाला दिदै बलुचिस्तानमा ३ पत्रकार मारिएको र बलुचिस्तानमा १० पत्रकार मारिएको र सरकारले तथ्यांक लुकाएको दाबी गरेका छन् । सोही क्रममा संसदीय मामिला मन्त्रीले आफ्नो जवाफमा सम्बन्धित सबै पक्षसँग छलफल गरेर प्रतिवेदन तयार पारेको र कसैले गलत तथ्यांक दिएमा संवेदनशील विषय भएकाले जवाफदेही बनाउनुपर्ने बताएका छन् ।
– डनको रिपोर्टमा आधारित
सत्य, तथ्य र स्वतन्त्र सामूदायिक डिजिटल मिडिया
