बेलायतका राजा चार्ल्स तृतीयको मे ६ मा तय भएको राज्याभिषेकको शाही लोगो शनिबार बकिङ्घम प्यालेसमा विमोचन गरिएको छ । गोलाकार आकारको फ्लोरल डिजाइनको शाही लोगोमा एक प्रसिद्ध ब्रिटिश डिजाइनर जसले एप्पल आईफोन डिजाइन गरेका थिए, उनैलेले बनाएका हुन्। ।
विश्व प्रख्यात टेक कम्पनी एप्पलका पूर्व प्रमुख डिजाइन अधिकारी सर जोनी इभद्वारा डिजाइन गरिएको शाही लोगो उनको रचनात्मक संग्रह ‘लभ फ्रम ‘ बाट लिइएको हो। सर जोनी इभको नाममा विश्वभर १४ हजार भन्दा बढी पेटेन्टहरू छन्।
लोगोमा सम्पूर्ण बेलायतको झलक देखाइएको छ। यसले प्राकृतिक संसार र बेलायतका चार देशहरू – इङ्गल्याण्ड, स्कटल्याण्ड, वेल्स र उत्तरी आयरल्याण्डको वनस्पतिप्रति ७४ वर्षीय राजाको प्रेमलाई चित्रण गर्दछ। प्रेम र प्राकृतिक संसारप्रति राजाको गहिरो चासोबाट प्रेरित भै यस लोगोको निर्माण गरेको इभले भनेका छन् ।
रानी एलिजाबेथ द्वितीयको मृत्यु पछि चार्ल्स तृतीयलाई बेलायतको राजा घोषित गरिएको थियो। तर, त्यसपछि उनको औपचारिक राज्याभिषेक हुन सकेको थिएन । उनी लन्डनको वेस्टमिन्स्टर चर्चमा बेलायतको राजाको रूपमा सिंहासनमा बसेका थिए। त्यसबेलादेखि राजा चार्ल्स तृतीयको राज्याभिषेकको तयारी भइरहेको थियो। यसअघि उनी बेलायती राजकुमारको जिम्मेवारी सम्हाल्दै आएका थिए । उनी दुई दाजुभाइमध्ये जेठा हुन् ।
सत्य, तथ्य र स्वतन्त्र सामूदायिक डिजिटल मिडिया
