सन् १९७७ देखि १९८१ सम्म राष्ट्रको नेतृत्व गर्ने ९८ वर्षीय पूर्व अमेरिकी राष्ट्रपति जिमी कार्टरले घरमै परिवार संग बस्ने र ‘होस्पिस केयर’ अर्थात ‘घरेलु हेरचाह’ हेरचाह लिंदै उनले आफ्नो “बाँकी समय” बिताउने इच्छा जाहेर गरेको उनको गैर नाफामूलक फाउन्डेसनले शनिबार एक बिज्ञप्ति मार्फत जनाएको छ ।
‘होस्पिस केयर’ अर्थात ‘घरेलु हेरचाह’ मा जीवनको अन्त्य गम्भीर बिरामी भएका व्यक्तिको हेरचाह, आराम र जीवनको गुणस्तरमा केन्द्रित हुन्छ। कुनै बिन्दुमा, गम्भीर रोगको उपचार सम्भव नहुन सक्छ, वा बिरामीले निश्चित उपचारहरू नगर्ने र ‘घरेलु हेरचाह’ छनौट गर्न सक्छ।
सबैभन्दा पुरानो जीवित पूर्व राष्ट्रपति र नोबेल शान्ति पुरस्कार विजेता कार्टर आफ्नी पत्नी रोजालिनसँग प्लेन्स, जर्जियामा बस्छन्।
जुलाई ७, १९४६ मा उनले प्लेन्सका रोजालिन स्मिथसँग विवाह गरेका थिए जब उनको बुबाको १९५३ मा मृत्यु भयो, उनले आफ्नो नौसेना आयोगबाट राजीनामा दिए र आफ्नो परिवार संग जर्जिया फर्केका थिए ।
त्यो बस्ती हो जहाँ उनी जन्मेका थिए र गभर्नर बन्नु अघि बदाम किसानको रूपमा काम गरे र पछि डेमोक्रेटिक उम्मेदवारको रूपमा अमेरिकी राष्ट्रपतिको उम्मेद्ववारी दिएका थिए ।
“छोटो अस्पताल बस्ने शृङ्खला पछि, पूर्व अमेरिकी राष्ट्रपति जिमी कार्टरले आज आफ्नो बाँकी समय आफ्नो परिवारसँग बिताउने र अतिरिक्त चिकित्सा उपचारको सट्टा घरमै ‘होस्पिस केयर’ लिने निर्णय गरे,” कार्टर सेन्टरले ट्विटरमा पोस्ट गरेको एक विज्ञप्तिमा भनेको छ ।
आफ्नो राष्ट्रपतिको समयमा कार्टरले मानव अधिकार र सामाजिक न्यायको लागि प्रतिबद्धता जाहेर गर्दै पहिले दुई वर्षमा इजरायल र इजिप्ट बीचको शान्ति सम्झौतामा ( जसलाई ‘क्याम्प डेभिड एकर्ड्स’ भनिन्छ) अहम भूमिका निर्वाह गरेका थिए।
तर उनको प्रशासनले धेरै समस्याहरु झेल्यो – सबैभन्दा गम्भीर इरानमा अमेरिकी बन्धकहरू लिनु र १९८० मा ५२ कैदी अमेरिकीहरूलाई उद्धार गर्ने विनाशकारी असफल प्रयास हुनु प्रमुख हुन ।
त्यस वर्षको नोभेम्बरमा उनी रिपब्लिकन प्रतिद्वन्द्वी रोनाल्ड रेगनबाट अमेरिकी राष्ट्रपतिको चुनावमा पराजित भएका थिए।
सत्य, तथ्य र स्वतन्त्र सामूदायिक डिजिटल मिडिया
