इजरायलको पूर्वी जेरुसेलमको पुरानो सहर अल-अक्सा मस्जिदमा भएको हिंसामा संलग्न भएको आरोपमा ३५० भन्दा बढी व्यक्तिहरु पक्राउ भएका छन् उनीहरूले मास्क लगाएर मस्जिदमा ढुङ्गा हानेको आरोपमा पक्राउ गरिएको इजरायली अधिकारीहरूले एक विज्ञप्तिमार्फत बताएका छन् ।
प्रहरी प्रवक्ताले हातमा ढुङ्गा लिएर कानून तोडेको र विस्फोटक पदार्थ पनि बोकेको संचार माध्यमलाई बताएका छन् । उनले शान्ति सुरक्षा कायम गर्न प्रहरीलाई मस्जिदभित्र पस्न बाध्य पारेको बताए । मस्जिदमा नमाज पढिरहेका भक्तजनहरूलाई लक्षित गरी आक्रमणको प्रयास भएको हुनसक्ने ति अधिकारीले बताएका छन् । हिंसा रोक्न तत्काल कारबाही अघि बढाइएको उनले बताए ।
जेरुसेलमका एएफपी पत्रकारहरूका अनुसार बुधवार बिहानदेखि अल-अक्सा मस्जिदमा झडप जारी रहेको छ । प्यालेस्टिनी समूह हमासका लडाकुहरूले मस्जिदमा आक्रमण गरेको उनीहरूले बताएका छन्। हमासले आफ्ना कार्यकर्ताहरूलाई मस्जिदमा सामूहिक रूपमा उपस्थित हुन पनि आह्वान गरेको छ। रमजानको पवित्र महिनामा, हजारौं भक्तजनहरू अल-अक्सा मस्जिदमा प्रार्थना गर्न आउँने गर्दछन ।
अल-अक्सा मस्जिदमा भएको झडप पछि, उत्तरी गाजा पट्टीबाट इजरायली क्षेत्रमा धेरै रकेटहरू प्रहार गरिएको संचार माध्यमले जनाएका छन् । गाजाबाट प्रहार गरिएका पाँचवटा रकेटलाई देशको वायु रक्षा प्रणालीले रोकेको र चार अन्य जनसङ्ख्या नभएको क्षेत्रमा खसेको इजरायली सेनाले बताएको छ।
(एजेन्सीहरूबाट जानकारी सहित)
सत्य, तथ्य र स्वतन्त्र सामूदायिक डिजिटल मिडिया
