डच राजा विलेम-अलेक्जेन्डरले आधिकारिक रूपमा दासत्वको युगमा लाखौं व्यक्तिहरूले भोग्नुपरेको अपार पीडाको लागि माफी मागेका छन् र विनम्रतापूर्वक क्षमा मागेका छन्। दासप्रथा उन्मूलनको १५० औं वार्षिकोत्सव मनाउन एम्स्टर्डममा आयोजित एक समारोहमा राजाले आफ्नो हृदय र आत्माको गहिराइबाट को माफी मागेको बताएका छन।
दासत्वको घृणित प्रकृतिलाई स्वीकार गर्दै राजा विलेम-अलेक्जेन्डरले भने, “व्यक्तिको स्वतन्त्रता लुट्न सक्ने सबै तरिकाहरूमध्ये दासत्व पक्कै पनि सबैभन्दा पीडादायी छ। सबैभन्दा अपमानजनक। सबैभन्दा अमानवीय।”
उनका शब्दहरूले नेदरल्याण्ड्स र राजाको तर्फबाट नेदरल्यान्ड्सका प्रधानमन्त्री मार्क रुटेले गत वर्षको अन्त्यतिर व्यक्त गरेका भनाईहरू प्रति सङ्केत गरेको थियो ।
नेदरल्याण्ड १७ औं शताब्दीदेखि विश्वको प्रमुख औपनिवेशिक शक्तिहरू मध्ये एक थियो। २०० वर्षको अवधिमा अनुमान गरिए अनुसार लगभग ६ लाख मानिसहरू नेदरल्याण्डको दासत्वको अधीनमा थिए।
राजाको माफी कार्यक्रममा प्रधानमन्त्री रुट्टे र धेरै सरकारी अधिकारीहरू लगायतका उपस्थितहरूको ठूलो समूहले उनको भनाइलाई समर्थन गर्दै ताली बजाएर स्वागत गरेका थिए। राजाको क्षमायाचना संगै विगतको सामूहिक मान्यता र दासत्वको विरासतको सामना गर्ने प्रतिबद्धता झल्काउँछ।
यसबाहेक, राजा विलेम-अलेक्जेन्डरले औपनिवेशिक अवधिमा ओरेन्ज-नासाउको रोयल हाउसको भूमिकाको बारेमा अनुसन्धान गर्न आह्वान गरेका छन्। यस कदमले ऐतिहासिक सत्यताहरू उजागर गर्न र विगतका घटनाहरूमा राजतन्त्रको संलग्नताको सम्बन्धमा पारदर्शिताका लागि वास्तविक प्रतिबद्धता देखाउँछ। अनुसन्धानले देशको इतिहासको राम्रो बुझाइलाई बढावा दिँदै औपनिवेशिक युगमा राज परिवारका कार्य र जिम्मेवारीहरूमा प्रकाश पार्ने जानकारहरु बताउछन।
सत्य, तथ्य र स्वतन्त्र सामूदायिक डिजिटल मिडिया
