इङ्ल्यान्डलाई १-० गोल अन्तरले पराजित गर्दै स्पेनको महिला विश्वकपमा पहिलो पटक जित हासिल गरेपछि स्पेनी फुटबल महासंघका प्रमुख (एफए ) लुइस रुबियालेसले फुटबलर जेनिफर हर्मोसोलाई चुम्बन गरेका थिए। ट्रफी प्रस्तुतिको लागि निर्माण गरिएको मन्चमा हर्षित लुइस रुबियालेस आफ्नो विजयी स्पेनी टोलीलाई अँगाल्न स्टेजमा गएका थिए, त्यहि समय उनले जेनिफर हर्मोसोलाई चुम्बन गरेका थिए।
त्यसबेला स्पेनकी रानी लेटिजिया स्टेजमा उभिएकि थिइन । चुम्बनको भिडियो तुरुन्तै भाइरल भयो, धेरै स्पेनियार्डहरू बीच भ्रम र आक्रोश पैदा भयो, जसले त्यस कार्यलाई अत्यधिक अनुपयुक्त व्यवहारको रूपमा निन्दा गरे। कतिपयले रुबियाल्सको राजिनामाको माग समेत गरेका छन् ।
तैपनि, यो स्नेहको प्रस्तुति असोभनिय देखियो जसले राष्ट्रको ध्यान खिच्यो र एक उत्कट खेललाई विवादमा तान्यो।
खुशीको आवेशमा रुबियालेसले हर्मोसोलाई चुम्बन गरे जसले उनको ओठमा यसको छाप देखिएको थियो , क्षणभरमै स्पेनको ऐतिहासिक विजयको समय विवादास्पद बन्न गयो ।
स्पेनको समानता मन्त्री, इरेन मोन्टेरोले सामाजिक सञ्जालमा एक भावुक पोष्ट गर्दै भनेकी छन् :”यो यौन दुर्व्यवहारको एक रूप हो जुन हामी महिलाहरूले हरेक दिन भोग्छौं र यो अहिलेसम्म अदृश्य छ,” मोन्टेरोले लेखेकी छन । “यो धेरै सरल छ। दुई जनाले चुम्बन गर्छन् यदि दुबै चाहन्छन्, यदि सहमति छ भने।
हो मात्र हो ।”
सामाजिक अधिकार मन्त्री इओन बेलाराले पनि मोन्टेरोको पोष्टमा प्रतिक्रिया दिदै लेखेकी छन : “हामी सबै सोचिरहेका छौं: यदि उनीहरूले सम्पूर्ण स्पेनको अगाडि यो गरे भने, उनीहरूले एकान्तमा के गर्दैनन्? महिला विरुद्धको यौन हिंसा अन्त्य हुनुपर्छ।”
यतिबेला रुबियालेसलाई आफ्नो कार्यको बचाउ गर्ने र सार्वजनिक भावनाको मर्मलाई स्वीकार गर्ने दोहोरो जिम्मेवारीको सामना गर्नुपरेको छ।
जब उसले जितको खुशियालीमा प्रत्येक खेलाडीलाई अँगालो हाले , हर्मोसोसँगको उनको चुम्बनले ताली र गाली दुवै किसिमका प्रतिक्रिया पाएका छन।
यस विवादले स्पेनीहरु बिचमा विभाजनको तीखो रुप देखाएको छ किनकि समर्थन र आलोचनाका आवाजहरू सार्वजनिक रुपमा बाहिर आएका छन् ।
रुबियालेसले फुटबलर जेनिफर हर्मोसोलाई चुम्बन गरे पछि हर्मोसो आफैले भनेकी थिइन , “मलाई यो मन परेन।”
रुबियालेसले चुम्बनलाई सहज रूपमा प्रस्तुत गरेका थिए , यसलाई उनले विश्व कप विजयको उत्साहमा खुशियाली मनाएको बताए ।
“राष्ट्रपति र मेरो ठूलो सम्बन्ध छ,” हर्मोसोले भने तर राष्ट्रलाई “यस प्रसङ्गमा धेरै ध्यान नदिन आग्रह गरे।”
स्पेनको विश्व कप सफलताको मनमोहक पृष्ठभूमिको बीचमा यस विवादले स्पेनी टोलीको जीतलाई आझेलमा पारेको छ ।टूर्नामेंट भन्दा पहिले टोली र प्रशिक्षक जोर्ज विल्डा बीच मनमुटाव चर्चा पाएको थियो। विरोध र बहिष्कारले स्पेनी टोलीलाई रोमाञ्चक बनायो, केवल च्याम्पियनहरूको वास्तविक भावनालाई मूर्त रूप दिँदै सबै बाधाहरू विरुद्ध विजयी हुने उनीहरूको संकल्पलाई बलियो बनायो।
यो सबैमा रुबियाल्स अटल रहे, संकटग्रस्त कोचलाई उनले अन्त सम्म समर्थन गरि नै रहे ।
रेडियो मार्कामा बोल्दै उनले चुम्बनको बचाउ गर्दै भने, “जेनीसँग चुम्बन? त्यहाँ जताततै बेवकूफहरू छन्,” उनले असहमति जाहेर गर्दै जवाफ दिए। उनले घटनालाई अतिरन्जित बनाउन खोजिएको भन्दै यसलाई आपसी स्नेहको सामान्य आदानप्रदानको रूपमा प्रस्तुत गरिएको कार्यलाई बिर्सन नहुने बताए ।
“जब दुई व्यक्तिले आपसी स्नेह साझा गर्छन्, तपाईले भनेको जस्तो बकवासमा ध्यान दिनु हुदैन ” उनले थपे।
सत्य, तथ्य र स्वतन्त्र सामूदायिक डिजिटल मिडिया
