नर्स लुसी लेटबीलाई उत्तरी इङ्गल्याण्डको एक अस्पतालमा काम गर्दा सात नवजात शिशुको हत्या र कम्तीमा छ जनाको हत्या प्रयास गरेको अभियोगमा बेलायतको अदालतले सोमबार आजीवन कारावासको सजाय सुनाएको हो । न्यायाधिस जेम्स गसले आजीवन कारावासबाट प्रारम्भिक रिहाइको लागि सबै प्रावधानहरु समेटर खारेज गरेका छन्। न्यायाधिसको यो फैसला संगै अपराधको गम्भीरताको कारण ती ३३ वर्षीया नर्सले आफ्नो बाँकी जीवन जेलमा बिताउनु पर्नेछ ।
लेटबीलाई गत हप्ता सात नवजात शिशुको हत्या र अन्य छ वटा बच्चाको हत्या प्रयासको सातवटा मुद्दामा दोषी ठहर गरिएको थियो। म्यानचेस्टर क्राउन कोर्टमा सजाय सुनाउनेक्रममा न्यायाधिस गसले , नर्सले “विश्वासको घोर उल्लङ्घन” गरेको बताए।
“तपाईले गरेको व्यवहार बालबालिकाको पालनपोषण र हेरचाह गर्ने सामान्य मानवीय प्रवृत्तिको पूर्णतया विपरीत थियो र चिकित्सा र हेरचाह पेशामा काम गर्ने व्यक्तिहरूमा सबै नागरिकहरूले राखेको विश्वासको घोर उल्लङ्घन थियो,” न्यायाधीशले फैसला सुनाउदै भने। “तपाईंले हानि गरेका बालबालिका समयअघि नै जन्मिएका थिए र कतिपय बाँच्न नसक्ने जोखिममा थिए, तर प्रत्येक घटनामा तपाईंले उनीहरूलाई मार्ने नियतले जानाजानी हानी पुर्याउनु भयो ” न्यायाधीशले भने ।
बेलायती प्रधानमन्त्री ऋषि सुनकले यसका लागि नर्सको निन्दा गर्दै उनलाई कायर भनेका छन् । आफ्नो सरकारले सजाय पाएका अपराधीलाई दोषी ठहर गरेपछि पीडितलाई सजाय भोग्न बाध्य पार्न कानून परिमार्जन गर्ने विचार गरिरहेको पनि बताए । उनले भने, ‘सबैले पढिरहँदा मलाई लाग्छ, यो निकै स्तब्ध र पीडादायी छ । अब, मलाई लाग्छ कि यस्तो भयानक अपराध गर्नेहरूले पीडितहरूको सामना गर्दैनन् र तिनीहरूको अपराधले उनीहरू र उनीहरूको परिवार र प्रियजनहरूलाई कस्तो असर गरेको छ भनेर आफैले सुन्न सक्ने छैनन् । “हामी यसलाई सुनिश्चित गर्नका लागि कानूनमा परिमार्जन गर्न खोजिरहेका छौं र यो हामीले उपयुक्त समयमा बाहिर ल्याउने कुरा हो,” उनले भने।
सत्य, तथ्य र स्वतन्त्र सामूदायिक डिजिटल मिडिया
