दक्षिण अफ्रिकाको जोहानेसबर्गमा रहेको बहुमंजिला भवनमा भएको आगलागीमा परी मृत्यु हुनेको संख्या ७३ पुगेको छ भने ५२ जना घाइते भएका जोहानेसबर्ग आपतकालीन व्यवस्थापन सेवाका प्रवक्ता रोबर्ट मुलाउड्जीले बताएका छन् ।
सिटी सेन्टरमा रहेको पाँच तले भवनमा बिहीबार बिहान आगलागी भएको हो । मुलाउड्जीले दिएको जानकारी अनुसार उक्त बहुमंजिला भवन घरबारविहीन मानिसहरूको लागि थियो र आगो सुरु हुँदा धेरै मानिसहरु सुतिरहेका थिए।
आगो निभाइसकेको छ तर दमकलले खोजी र उद्धार कार्य जारी राखेको छ । मृतकको संख्या अझै बढ्न सक्ने मुलाउड्जीले बताएका छन् ।
आगलागीको कारण भने अहिलेसम्म थाहा हुन सकेको छैन । तर, मैनबत्ती वा अन्यबाट आगो सुरु भएको हुन सक्ने मुलाउड्जीले आसंका गरिएको बताएका छन ।
आगलागी जोहानेसबर्ग र सम्पूर्ण दक्षिण अफ्रिकाका लागि ठूलो त्रासदी बनेको छ । सरकारले पीडित र उनीहरुका परिवारलाई राहत उपलब्ध गराउने प्रतिबद्धता जनाएको छ ।
सत्य, तथ्य र स्वतन्त्र सामूदायिक डिजिटल मिडिया
