मङ्गलबार नेपालको पश्चिमी क्षेत्रमा क्रमशः ५.३ र ६.३ म्याग्निच्युडको भूकम्पका कारण कम्तीमा सात जना घाइते भएका छन् भने कैयौं घरमा क्षति पुगेको अधिकारीहरूले बताएका छन् । काठमाडौंबाट ७०० किलोमिटर पश्चिममा रहेको बझाङ जिल्लामा
राष्ट्रिय भूकम्प अनुगमन तथा अनुसन्धान केन्द्रले जनाए अनुसार, ५.३ म्याग्निच्युडको पहिलो भूकम्प दिउँसो २ बजेर ४० मिनेटमा गएको थियो । र अर्को ६.३ म्याग्निच्युडको भूकम्प दिउँसो ३:०६ मा गएको थियो ।
त्यसपछि दिउँसो ३ बजेदेखि ५ः३८ बजेसम्म बझाङ जिल्लामा ६ पटक ४ देखि ५ म्याग्निच्युडका परकम्पन गएको राष्ट्रिय भूकम्प मापन केन्द्रले जनाएको छ ।
बझाङ जिल्लामा चार विद्यार्थीसहित छ जना र छिमेकी अछाम जिल्लामा एक जना घाइते भएको अधिकारीहरुले जानकारी दिएका छन् । एकजना विद्यार्थी आत्तिएर दुई तले भवनबाट हाम फालेर घाइते भएका थिए ।
भूकम्पका कारण जिल्ला प्रहरी कार्यालय बझाङको एउटा भवन र धेरै घरमा क्षति पुगेको स्थानीय प्रशासन कार्यालयले जनाएको छ । भूकम्पपछि धेरै साना परकम्प पनि महसुस गरिएको जिल्ला प्रशासन कार्यालय बझाङका एक अधिकारीले संचार माध्यमलाई बताएका छन् ।
भूकम्पको धक्का अछाम, डोटी, बाजुरा, बैतडीलगायत आसपासका जिल्लामा महसुस गरिएको थियो । भूकम्पको धक्का काठमाडौं र छिमेकी भारतमा पनि महसुस गरिएको थियो ।
अप्रिल २०१५ मा ७.८ म्याग्निच्युडको विनाशकारी भूकम्पले नेपालमा झण्डै ९ हजार मानिसको ज्यान लिएको र करिब २२ हजार घाइते भएका थिए । भूकम्पले ८ लाख भन्दा बढी घर र विद्यालय भवनहरूलाई पनि क्षति पुर्याएको थियो ।
सत्य, तथ्य र स्वतन्त्र सामूदायिक डिजिटल मिडिया
