भारतका कांग्रेस नेता राहुल गान्धीले मानहानि मुद्दामा सुरत अदालतबाट जमानत पाएका छन् । अदालतले कांग्रेस नेताको जमानत १३ अप्रिलसम्म थप गरेको छ।
तर, अदालतले उनको सजाय को फैसला नभएर १३ अप्रिलसम्म जमानत मात्र दिएको छ । मोदी उपनाममा विवादास्पद टिप्पणी गरेको भन्दै राहुलविरुद्ध मानहानीको मुद्दा दायर गरिएको थियो। यस मामिलामा २४ मार्चमा सूरतको अदालतले राहुललाई दोषी ठहर गर्दै दुई वर्षको जेल सजाय सुनाएको थियो । यो निर्णयलाई राहुलले चुनौती दिएका थिए ।
राहुल गान्धीले सुरत अदालतबाट जमानत पाउने बित्तिकै ट्वीट गरेका छन् । उनले लेखेका छन्, ‘यो लोकतन्त्र बचाउने लडाइँ हो, ‘मित्रकाल’ विरुद्ध । यो सङ्घर्षमा सत्य मेरो हतियार हो र सत्य नै मेरो सहारा हो!’
मैं भारत की आवाज़ के लिए लड़ रहा हूं।
— Rahul Gandhi (@RahulGandhi) March 24, 2023
मैं हर कीमत चुकाने को तैयार हूं।
कांग्रेस नेता राहुल गान्धीले ‘मोदी उपनाम’ सम्बन्धी मानहानि मुद्दामा अदालतले सुनाएको दुई वर्षको सजायको बिरूद्ध आज सुरतमा अपिल दायर गरेका थिए ।
यो पनि पढ्नु होस्। ‘सबै चोरको उपनाम मोदी किन हुन्छ?’ भन्ने राहुल गान्धीको भनाइले उनको लोकसभा सदस्यता खारेजी
गान्धीले २०१९ मा कर्नाटकमा एक रैलीमा , “जो सबै चोरहरूले मोदी उपनाम सेयर गर्छन्” भन्ने भनाई राखेका थिए । उजुरीकर्ता भाजपा सांसद पूर्णेश मोदीले राहुलको भनाइमा आपत्ति जनाउदै अदालतमा मानहानीको मुद्वा हालेका थिए। मुद्वामा गान्धीलाई उच्च अदालतले मानहानीको आरोपमा दुई वर्षको जेल सजाय सुनाएको थियो ।
मिडिया रिपोर्टका अनुसार गान्धीलाई १५,००० रुपैयाँको जमानत दिइएको थियो जुन अपील अवधिको लागि विचाराधीन थियो। तल्लो अदालतले उनलाई पुनरावेदनका लागि ३० दिनको समय दिएको थियो ।
तल्लो अदालतले दोषी ठहर गरेपछि गान्धी सांसदका लागि अयोग्य घोषित भएका थिए ।
सत्य, तथ्य र स्वतन्त्र सामूदायिक डिजिटल मिडिया
