आतङ्कवादी संस्था अल कायदाका नेता अयमान अल जवाहिरी अफगानिस्तानमा मारिएका छन् । अमेरिकी सेनाको हवाई कारबाहीमा जवाहिरी मारिएका हुन् ।
मिडियाका अनुसार सोमबार अफगानिस्तानमा ड्रोनबाट गरिएको आक्रमणबाट ती अल कायदाका नेता मारिएका हुन्।
हिजै सोमबार राति एक सन्देशमा अमेरिकी राष्ट्रपति जो बाइडेनले यस विषयको जानकारी दिएका छन । अल कायदाका नेता अयमान अल जवाहिरी मारिएको समाचारको अमेरिकी राष्ट्रपति जो बाइडेनले पुष्टि गर्दै सामाजिक संजाल टुइटरमा लेखेका छन् – ” मेरो निर्देशनमा शनिबार अमेरिकाले अफगानिस्तानको काबुलमा सफलतापूर्वक हवाई हमला गरी अल-कायदाका नेता अमिर अयमान अल-जवाहिरीलाई कारबाहीमा मारिएको छ।”
जवाहिरी अल कायदा सङ्ठनका नेता थिए । उनी सन् २०११ मा सो संगठनका नेता छानिएका थिए । अल कायदाका तत्कालीन नेता ओसामा बिन लादेन सन् २०११ मा मारिएका थिए । अमेरिकी सेनाको कारबाहीमा लादेन मारिएपछि त्यसको दुई महिनापछि सो संगठनको नेता जवाहिरी चयन भएका थिए ।
सत्य, तथ्य र स्वतन्त्र सामूदायिक डिजिटल मिडिया
