थाइल्याण्डको चोनबुरी प्रान्तमा रहेको एक नाइट क्लबमा आगलागी हुँदा कम्तीमा १४ जनाको मृत्यु भएको छ । स्थानीय समय अनुसार शुक्रबार दिउँसो १ बजे घटना भएको अधिकारीहरुले जानकारी दिएका छन् ।
बीबीसीका अनुसार शुक्रबार बिहान करिब १ बजे बैंककबाट करिब १०० माईल दक्षिणमा रहेको सट्टाहिप जिल्लाको माउन्टेन बी नाइटस्पटमा लाइभ म्युजिक कार्यक्रमको क्रममा आगलागी भएको हो ।
एएफपीका अनुसार १४ जना गम्भीर सहित ४० भन्दा बढी अन्य घाइते भएका छन्। उनीहरुलाई उपचारका लागि स्थानीय अस्पतालमा भर्ना गरिएको छ । उनीहरु सबै थाइल्याण्डका नागरिक रहेको बताइएको छ ।
फुटेजमा मानिसहरु एक तले भवनबाट भाग्दा चिच्याइरहेको देखाइएको छ, “कसैको लुगामा आगो लागेको छ,” बीबीसीले रिपोर्ट गरेको छ।
घटनाको जानकारी पाएलगत्तै स्थानीय, प्रहरी र अन्य उद्धारकर्ता घटनास्थल पुगेर उद्धार कार्यमा लागेका थिए । उद्धारकर्ताहरूले घटनास्थलबाट १८ जनाको उद्धार गरेका छन् । घाइतेमध्ये तीन जनाको अवस्था गम्भीर रहेको बताइएको छ ।
थप अनुसन्धान थालिएको र दोषीलाई कारबाही गरिने प्रहरीले जनाएको छ ।
सत्य, तथ्य र स्वतन्त्र सामूदायिक डिजिटल मिडिया
