कर नबुझाएका सात वटा क्यासिनोलाई सात दिन भित्र कर बुझाउन काठमाडौं महानगरपालिकाले पत्र काटेको छ। सात वटा क्यासिनोले आर्थिक वर्ष २०७५/७६ देखि बुझाउनु पर्ने मनोरञ्जन कर नबुझाएकाले आइतबार काठमाण्डौ महानगरले पत्र काटेको जनाएको छ ।
म्यारिएटको डेल्टीन क्यासिनो होटल, अन्नपूर्णको क्यासिनो प्यालेस, र्याडिसन होटलको क्यासिनो र्याडी, हायात होटलको प्राइड इन्टरटेनमेन्ट एण्ड रिक्रिएसन, सोल्टी होटलको मोजाङ्ग इन्टरटेन्मेन्ट, एलफ्ट होटलको बाल्को क्यासिनो र मल्ल होटलको बेली क्यासिनोलाई कर बुझाउन भन्दै काठमाडौं महानगरपालिकाले पत्र काटेको छ।
उल्लेखित क्यासिनोहरुले पटक-पटक ताकेता गर्दा पनि मनोरञ्जन कर नबुझाएकाले पत्र काटेको महानगरले पत्रमा उल्लेख गरेको छ।
बागमती प्रदेशको आर्थिक ऐनले क्यासिनोमा प्रवेश गर्ने ग्राहकबाट मनोरञ्जन कर लिनुपर्ने व्यवस्था रहेकाले महानगरले तोकिएको अवधिमा कर नबुझाए महानगरपालिकाको राजस्व ऐन, २०७५ बमोजिम कारबाही गरी सरकारी बाँकी सरह बक्यौता कर असुल गरिने पत्रमा उल्लेख छ।
सत्य, तथ्य र स्वतन्त्र सामूदायिक डिजिटल मिडिया
