एसिया कप क्रिकेटको सुपर फोर प्रतियोगितामा श्रीलंकाले भारतलाई ६ विकेटले हराएको छ। यस अघि भारतलाई पाकिस्तानले हराइसकेको छ। यो दोश्रो हारसँगै फाइनल पुग्ने भारतको आशा लगभग समाप्त भएको छ ।
सुपर फोरको आफ्नो पहिलो खेलमा पाकिस्तानसँग पराजित भएपछि भारतले आज श्रीलंकाको सामना गरेको थियो । दुबईको दुबई अन्तर्राष्ट्रिय क्रिकेट रंगशालामा भएको खेलमा श्रीलंकाले टस जितेर पहिले बलिङ गर्ने निर्णय गरेको खेलमा भारतले पहिले ब्याटिङ गरेको थियो ।
टस हारेर पहिले ब्याटिङ गरेको भारतले २० ओभरमा आठ विकेट गुमाएर १७३ रन बनायो। भारताकालागी रोहित शर्माले ७२ रनको पारी खेले । जवाफमा श्रीलंकाले १९ दशमलव ५ ओभरमा चार विकेट गुमाएर लक्ष्य पुरा गरेको थियो । यो हारसँगै भारतीय टोली एसिया कपबाट बाहिरिने खतरा बढेको छ । भारतीय टोलीले सुपर फोर चरणमा लगातार दुई खेलमा हार बेहोरेको छ । श्रीलंकाअघि पाकिस्तानले भारतलाई ५ विकेटले पराजित गरेको थियो । भारतको भाग्य अब अन्य टोलीको नतिजामा निर्भर हुनेछ।
यो जितसँगै श्रीलंकाको टोलीले फाइनलमा पुग्ने दाबी बलियो बनाएको छ । उसले लगातार दुई खेल जितेको छ । भारत अघि श्रीलंकाले अफगानिस्तानलाई सुपर–४ मा पराजित गरेको थियो ।
सुपर फोरको अंक तालिकाको कुरा गर्ने हो भने श्रीलंका दुई जित सहित शीर्ष स्थानमा छ । यो सँगै पाकिस्तान एक जितसहित दोस्रो स्थानमा छ । दुबैको सकारात्मक नेट रन रेट छ। यो सँगै भारत नकारात्मक रन रेट र दुई हारका साथ तेस्रो स्थानमा छ । अफगानिस्तान चौथो स्थानमा छ । भारतीय टोलीसँग फाइनल पुग्ने सम्भावना अझै छ । तर, बुधबार हुने पाकिस्तान र अफगानिस्तानबीचको खेल भारतकालागि महत्वपूर्ण हुनेछ । बुधबारको खेल पाकिस्तानको टोलीले जित्यो भने भारत र अफगानिस्तान दुवै एसिया कपबाट बाहिरिनेछन् ।
सत्य, तथ्य र स्वतन्त्र सामूदायिक डिजिटल मिडिया
