बेलायतकी महारानी एलिजाबेथ द्वितीयको निधनपछि उनका छोरा राजकुमार चार्ल्सलाई उत्तराधिकारी नियुक्त गरिएको छ।
रानीको निधनपछि तुरुन्तै र कुनै समारोह बिना नयाँ राजाका उत्तराधिकारी, वेल्सका पूर्व राजकुमार चार्ल्सलाई राजपरिवारको सिंहासन हस्तान्तरण गरिएको छ ।
तर राजाकालागि धेरै व्यावहारिक र परम्परागत चरणहरू पुरागर्न भने बाकीनै रहेको छ ।
आफ्नी आमाको मृत्यु पछि पहिलो २४ घण्टामा, चार्ल्सलाई आधिकारिक रूपमा राजा घोषणा गरिनेछ। यो लन्डनको सेन्ट जेम्स प्यालेसमा एक औपचारिक निकाय जसलाई Accession Council भनिन्छ, को अगाडि सम्पन्न हुनेछ ।
उनी राजा चार्ल्स III को रूपमा चिनिने छन् । यो नयाँ राजाको शासनकालको पहिलो निर्णय थियो। उनले आफ्नो चार नामहरू: चार्ल्स, फिलिप,आर्थर, जर्ज – मध्ये कुनै पनि रोज्न सक्ने छन् ।
प्रिन्स चार्ल्सको पूरा नाम चार्ल्स फिलिप आर्थर जर्ज हो। उनी प्रिन्स फिलिप र एलिजाबेथ द्वितीयका जेठा छोरा हुन्। चार्ल्सको जन्म १४ नोभेम्बर १९४८ मा बकिङ्घम प्यालेसमा भएको थियो। उनी बेलायती राजपरिवारमा रानीपछि सिंहासनको पहिलो उत्तराधिकारी हुन् ।
चार्ल्सले जुलाई २९, १९८१ मा लेडी डायना स्पेन्सरसँग विवाह गरेका थिए। दुबैका दुई छोरा छन्, प्रिन्स विलियम र ह्यारी। १९९६ मा, चार्ल्स र डायना दुवैले सम्बन्ध बिच्छेद गरी अलग भएका थिए । वेल्सकी राजकुमारी डायनाको सन् १९९७ मा पेरिसमा कार दुर्घटनामा मृत्यु भएको थियो । चार्ल्सले पछि अप्रिल ९ , २००५ मा क्यामिला पार्करसँग विवाह गरे। चार्ल्स अहिले ७३ वर्षका छन् । चार्ल्स राजा भएपछि उनका जेठो छोरा, क्याम्ब्रिजको ड्यूक, प्रिन्स विलियमअब वेल्सको राजकुमार भनिने छन् ।
चार्ल्सले आफ्नो प्रारम्भिक शिक्षा वेस्ट लन्डनको हिल हाउस स्कूलमा प्राप्त गरेका थिए। ह्याम्पशायर र स्कटल्याण्डमा निजी स्कूलको शिक्षा पछि, चार्ल्सले १९६७ मा ट्रिनिटी कलेज, क्याम्ब्रिजमा अध्ययन गरे। उनले त्यहाँ १९७१ मा स्नातक डिग्री लिए। जहाँ उनले मानव विज्ञान, पुरातत्व र इतिहास अध्ययन गरे। क्यानाडामा जन्मेका प्रोफेसर जोन कोल्स उनको ट्यूटर थिए।
२३ जुन १९७० मा उनले कलामा स्नातक डिग्री हासिल गरे र विश्वविद्यालयको डिग्री प्राप्त गर्ने शाही परिवारको तेस्रो सदस्य बने। त्यसपछि, २ अगस्त १९७५ मा उनले विश्वविद्यालयको परंपरा अनुसार क्याम्ब्रिजबाट कलामा स्नातकोत्तरको उपाधि प्राप्त गरे । चार्ल्स त्यसपछि पुरानो कलेज (एबरिस्टविथमा वेल्स विश्वविद्यालयको एक भाग) मा भर्ना भए, जहाँ उनले वेल्स भाषा र वेल्स इतिहास अध्ययन गरे। उनी वेल्सका पहिलो राजकुमार थिए जसले वेल्स बाहिर जन्मिए पनि राज्यको भाषा सिक्ने प्रयास गरे।
सत्य, तथ्य र स्वतन्त्र सामूदायिक डिजिटल मिडिया
