नेपालका तीन कम्युनिष्ट पार्टीहरुले मंसिरमा हुने निर्वाचन बहिस्कार गर्दै देश भरी नै आन्दोलन गर्ने घोषणा गरेका छन् । काठमान्डौमा आईतवार आयोजित पत्रकार सम्मेलनमा आगामी कात्तिक २४ गतेदेखि चुनाव बहिस्कार गरी आन्दोलनको सुरुवात गर्ने जानकारी दिएका हुन।
नेत्रविक्रम चन्द विप्लव नेतृत्वको नेपाल कम्युनिष्ट पार्टी, ऋषि कट्टेल नेतृत्वको नेकपा र आहुतीले नेतृत्व गरेको वैज्ञानिक समाजवादी कम्युनिष्ट पार्टी, नेपालले मंसिर ४ गते हुने प्रतिनिधि सभा तथा प्रदेश सभा निर्वाचनलाई बहिस्कार गर्दै निर्वाचन खारेजीकालागि आन्दोलनको घोषणा गरेका हुन् ।
उनीहरुले चुनाव बहिस्कार आन्दोलनमा सहभागीता जनाउन सार्वजनिक अपिल समेत गरेका छन् । तीन पार्टीले कामठाडौंमा २४ गते, बुटबल र इटहरीमा २६ गते, बर्दिबास र पोखरामा २८, सुर्खेत र धनगढीमा ३० गते राजनीतिक सभा गर्ने भएका छन् ।
त्यस्तै, कात्तिक २६ देखि ३० गतेसम्म तीन पार्टीले विरोध प्रदर्शन र कोणसभाको आयोजना गरेको छ ।
सत्य, तथ्य र स्वतन्त्र सामूदायिक डिजिटल मिडिया
