मोरङ निर्वाचन क्षेत्र नम्बर २ मा गठबन्धनको तर्फबाट उम्मेदवार भएकी नेपाली कांग्रेसकी सुजाता कोइरालालाई नेकपा (एमाले) का उम्मेदवार ऋषिकेश पोखरेल पराजित गर्दै विजयी भएका छन । पूर्व उपप्रधानमन्त्रीसमेत रहेकी कोइरालालाई एक हजार २०८ मतको अन्तरले पोखरेलले पराजित गर्दै विजयी भएका हुन् ।
पोखरेलले ३३ हजार १४८ मत ल्याइ विजयी हुँदा प्रतिद्वन्द्वी कोइरालाले ३१ हजार ९४० मत ल्याएकी छन् । विजेता पाखरेलले २०७० को संविधानसभा निर्वाचनमा नेपाली कांग्रेसका आमोदप्रसाद उपाध्यायलाई पराजित गरेका थिए । तर उनी २०७४ को प्रतिनिधिसभा निर्वाचनमा भने कांग्रेसका मिनेन्द्र रिजालसँग पराजित भएका थिए ।
सुजाता कोइराला कांग्रेसका प्रभावशाली नेता तथा पूर्व प्रधानमन्त्रीसमेत रहेका गिरिजाप्रसाद कोइरालाको छोरी हुन । गिरिजाले यही क्षेत्रबाट लगातार तीन पटक निर्वाचित हुँदै देशको प्रधानमन्त्रीसमेत बनेका थिए ।
सत्य, तथ्य र स्वतन्त्र सामूदायिक डिजिटल मिडिया
