अमेरिकाको न्युयोर्क सहरको ब्रुकलिनमा सोमबार एक भाडाको यू-होल ट्रकले धेरै पैदलयात्रीलाई ठक्कर दिदै घाइते बनाएको छ । स्थानिय संचार माध्यमका अनुसार यू-होल ट्रकलेले आठ जनालाई ठक्कर दिएको थियो। पछि अधिकारीहरूले गाडी नियन्त्रणमा लिई चालकलाई नियन्त्रणमा लिएका थिए।
बिहान करिब ११ बजे घटना घटेको थियो। ड्राइभरले पैदल यात्रुहरूलाई ठक्कर दिए पछि भाग्दा उसलाई ह्यामिल्टन एभिन्यू र रेड हुकको कोलम्बिया स्ट्रिटको नजिक प्रहरीले समातेको थियो ।
न्यूयोर्क शहरका प्रहरी आयुक्तले सोमबार बे रिज क्षेत्रमा भएको घटनामा एक प्रहरी अधिकारीसहित आठ जना घाइते भएको बताएका छन्। चार जनाको अवस्था गम्भीर छ भने चारजना सामान्य घाइते छन् । सोही क्रममा घटनाका सम्बन्धमा स्थानीय नगर परिषद्का सदस्य जस्टिन ब्राननले यो आकस्मिक घटना जस्तो देखिए पनि यसको पछाडि कुनै न कुनै उद्देश्य रहेको हुन सक्ने बताएका छन् ।
घटनाका पछाडिको उदेश्य र चालकको परिचय अझै खुलाइएको छैन।
सत्य, तथ्य र स्वतन्त्र सामूदायिक डिजिटल मिडिया
