इटालीमा वायुसेनाका दुई विमान आपसमा ठोकिएर दुर्घटना भएको छ । वायुसेनाले एक विज्ञप्तिमा भनेको छ कि मंगलबार एक अभ्यासको क्रममा इटालियन वायुसेनाका दुई पाइलटको मृत्यु भएको छ। पाइलटले उडाएको विमान हावामा एक अर्कासँग ठोक्किएर जमिनमा खसेपछि दुर्घटना भएको हो।
दुई यु – २०८ विमानहरू रोमको उत्तरपूर्वमा लगभग २५ किलोमिटर (१५ माइल) गुइडोनिया सैन्य एयर बेस नजिकै ठोक्किएका थिए । एयर टू ग्राउन्ड विमानमा सवार दुवै पाइलटको मृत्यु भएपनि विमान खसेको स्थानमा कसैलाई चोटपटक भने लागेको छैन ।इटालियन समाचार एजेन्सी एएनयसएका अनुसार एउटा विमान जमिनमा ठोक्किएको र अर्को पार्क गरिएको कारमा ठोक्किएको बताएको छ। दुर्घटनापछि प्रधानमन्त्री जर्जिया मेलोनीले पाइलटका परिवार र सहकर्मीप्रति समवेदना व्यक्त गरेकी छन् ।
लेखक
सत्य, तथ्य र स्वतन्त्र सामूदायिक डिजिटल मिडिया
