नेपालले आइसिसी विश्वकप लिग–२ को अन्तिम खेलमा युएईमाथि ९ रनको डकवर्थ लेविस पद्धतिको आधारमा जित हात पारेको छ। यो जितसँगै नेपाल सोझै विश्वकप छनोटमा पुगेको छ । खेलमा खराव प्रकाशका कारण नेपाल डकवर्थ लेविस पद्धतिमा विजयी भएको हो।
जितको लागि ३ सय ११ रनको लक्ष्य पछ्याएको नेपालले ४४ ओभरमा ६ विकेट गुमाउँदै २ सय ६९ रन बनाउँदा खेल रोकिएको थियो । त्यसपछि डकवर्थ लेविस पद्धतिमा नेपाल विजयी हुँदै सोझै विश्वकप छनोटमा पुगेको हो।
नेपालले ३६ खेलमा १९ मा जित हासिल गरेको छ र १५ मा हारसहित ४० अंकका साथ तेस्रो स्थानमा रहेको छ । नामिबिया ३६ खेलमा १९ जित र १६ मा हारसहित ३९ अंकका साथ चौथो स्थानमा छ । आइसिसी विश्वकप लिग–२ बाट स्कटल्यान्ड च्याम्पियन, ओमान दोस्रो र नेपाल तेस्रो स्थानमा रहँदै सोझै विश्वकप छनोटमा पुगेका हुन् ।
विश्वकप छनोट आगामी जुन जुलाईमा जिम्बावेमा हुदैछ । युएई, नामिबिया, अमेरिका र पपुवा न्युगिनीले प्लेअफ क्वालिफायर खेल्नुपर्ने भएको छ । नामिबियामा यसै महिना अन्तिममा हुने प्लेअफमा शीर्ष दुईमा पर्न सके पुन : विश्वकप छनोट खेल्न पाउनेछन् ।
यस्तो छ अंक तालिका
१) पहिलो स्थानमाः स्कटल्यान्ड- ५० अंक , ३६ खेलमा २४ मा जित र १० मा हार
२) दोस्रो स्थानमाः ओमान-४४ अंकः ३६ खेलमा २१ मा जित र १३ मा हार
३) तेस्रो स्थानमाः नेपाल- ४० अंकः ३६ खेलमा १९ मा जित र १५ मा हार ४) ४) चौथो स्थानमाः नामिबिया- ३९ अंकः ३६ खेलमा १९ मा जित र १६ मा हार
५) पांचौ स्थानमा:अमेरिका- ३५ अंकः ३६ खेलमा १६ मा जित र १७ मा हार
६) छैटौं स्थामनाः युएई- ३३ अंकः ३६ खेलमा १५ मा जित र १८ मा हार ७) ७) सातौ तथा अन्तिमः पपुवा न्युगिनी-११ अंकः ३६ खेलमा ५ मा जित र ३० मा हार
सत्य, तथ्य र स्वतन्त्र सामूदायिक डिजिटल मिडिया
