एट्लान्टाको एक मेडिकल सेन्टरको ११ औं तलामा रहेको प्रतीक्षालयमा बन्दुकधारीले गोली चलाउँदा कम्तीमा एक जनाको मृत्यु भएको छ । यस्तै घटनामा अन्य चार जना घाइते भएका छन् ।
घटनाको विवरण दिँदै एटलान्टा प्रहरी विभागका प्रमुख डारिन सिएरबाउमले गोली चलाउनेले पाँच जनालाई गोली हानेर एक जनाको घटनास्थलमै मृत्यु भएको बताए। गोली लागेका पाँचै जना महिला रहेको बताइएको छ ।
बन्दुकधारीले एटलान्टा डिस्पेन्सरी नजिकै गोली चलाएको बुझिएको छ । उनीहरुको हाल मेमोरियल अस्पतालमा उपचार भइरहेको सीएनएनले जनाएको छ ।
प्रहरीले कैयौं घण्टासम्म गरेको खोजीपछि एक बन्दुकधारीलाई पक्राउ गरिएको बताएका छन्। घटनामा संलग्न व्यक्ति पूर्व तटरक्षक रहेको बुझिएको छ ।
लेखक
सत्य, तथ्य र स्वतन्त्र सामूदायिक डिजिटल मिडिया
