युक्रेनको क्रिभिई रिह सहरमा रुसले गरेको विनाशकारी मिसाइल आक्रमणमा परी १० वर्षीय बालक र उनकी आमासहित कम्तीमा पाँच जनाको मृत्यु भएको छ भने अन्य ५३ जना भन्दा बढी घाइते भएका छन् । राष्ट्रपति भोलोडिमिर जेलेन्स्कीको गृहनगर भएकोले यो सहरको महत्त्व छ।
द्निप्रोपेत्रोवस्क क्षेत्र सैन्य प्रशासन प्रमुख सेर्हीय ल्यसकका अनुसार रूसी सेनाले एक आवासीय भवन र क्रिभिई रिह सहरमा एक शैक्षिक संस्था गरी दुवैमा दुई मिसाइल प्रहार गरेको पुष्टि गरेका छन् ।
युक्रेनको रक्षा मन्त्रालयका अनुसार हताहत हुने मध्ये एक १० वर्षीय बालक सहित पाँच जनाको ज्यान गएको छ । घाइते हुनेमा ४ देखि १७ वर्षका दुई केटा र तीन बालिकासहित ५३ जना रहेका छन् ।
मिसाइल आक्रमणले लक्षित आवासीय भवनमा व्यापक क्षति पुगेको स्थानिय किभ समाचार एजेन्सीले जनाएको छ। आक्रमणबाट एउटा प्रवेशद्वार भित्र ४ देखि ९ तल्लाहरू नष्ट भएको र करिब ७० वर्ग मिटर क्षेत्रफलमा रहेको चौथो तल्लामा आगलागी भएको थियो । तर, थप क्षति हुन नदिन अधिकारीहरूले आगो नियन्त्रणमा लिएका थिए ।
राष्ट्रपति जेलेन्स्कीले फ्ल्याटको ब्लक फाटेको ठूलो प्वालबाट कालो धुवाँ निस्किरहेको भिडियो सामाजिक संजालमा सेयर गरेका छन् । आक्रमणमा अर्को गैरआवासीय भवन पनि आंशिक रूपमा ध्वस्त भएको थियो।
जेलेन्स्कीले रुसले शान्तिपूर्ण सहर र निर्दोष नागरिकलाई आतंकित पार्ने काम गरिरहेको बताएका छन् । उनले आक्रमणको निन्दा गर्दै अन्तर्राष्ट्रिय समुदायलाई यस्ता आक्रमणको कडा जवाफ दिन आग्रह गरेका छन् ।
क्षेप्यास्त्र प्रहारबाट भएको क्षतिको मूल्याङ्कन गर्न र बाँचेका व्यक्तिको खोजी तथा उद्धार कार्य अहिले भइरहेको छ ।
घटनाबाट घाइतेहरूलाई सहयोग प्रदान गर्न, बाँचेका र उनीहरूको परिवारलाई मनोवैज्ञानिक सहयोग प्रदान गर्न टेन्ट स्थापना गरिएको छ। थप रूपमा, प्रभावित जनसंख्यालाई उनीहरूको सुरक्षा सुनिश्चित गर्न खाली गरिँदैछ।
सत्य, तथ्य र स्वतन्त्र सामूदायिक डिजिटल मिडिया
