पाकिस्तानको खैबर पख्तुनख्वा प्रान्तको पहाडी क्षेत्रमा उचाइमा पुगेको केबलकारमा फसेका सबै आठ व्यक्तिलाई सफलतापूर्वक उद्धार गरिएको पाकिस्तानी प्रधानमन्त्रीले सामाजिक संजालमार्फत जानकारी दिएका छन् । उक्त केबलकारमा आएको अप्रत्याशित समस्याका कारण ६ जना बालबालिका र दुई जना शिक्षकसहित ८ जना अलपत्र परेका थिए।
विद्यार्थी र उनीहरूका शिक्षकहरू विद्यालय जाने जाँदै गर्दा बिहान ९ बजे घटना भएको स्थानिय संचाम माध्यमले जानकारी दिएका छन। उनीहरुलाई गन्तव्यमा पुर्याउन लागेको केबुलकारमा प्राविधिक समस्या आएपछि उनीहरु पहाडी क्षेत्रको उचाइमा केवलकार रोकिएकाले अलपत्र परेका थिए । उनीहरुको उद्धारको खबरले यतिबेला गाउलेहरुमा उत्साह फैलिएको छ।
प्रधानमन्त्री अनवर कक्कडले कृतज्ञता व्यक्त गर्दै सामाजिक संजाल एक्समा लेखेका छन् , “अलहमदोलिल्लाह सबै बालबालिकालाई सफलतापूर्वक र सकुशल उद्धार गरिएको थाहा पाउँदा खुसी लाग्यो। सेना, उद्धार विभाग, जिल्ला प्रशासन र स्थानीय जनताको उत्कृष्ट टिमवर्क। सफल नतिजाको श्रेय सेना, उद्धार विभाग, जिल्ला प्रशासन र स्थानीय बासिन्दा लगायत विभिन्न पक्षको सहयोगी प्रयासलाई दिइएको छ ।”
पाकिस्तानी सेनाको विशेष सेवा समूह (एसएसजी) कमाण्डोहरूले सावधानीपूर्वक योजनाबद्ध हवाई उद्धार अभियानको आयोजना गरेका थिए। चुनौतीपूर्ण भूभाग र उच्च उचाइले हेलिकप्टरको प्रयोग आवश्यक थियो, जुन फसेका व्यक्तिहरूसम्म पुग्न कुशलतापूर्वक परिचालन गरिएको थियो। अनिश्चित परिस्थितिको बावजुद, एसएसजी कमाण्डोहरूले उल्लेखनीय कौशल र दृढ संकल्प प्रदर्शन गर्दै उद्वार कार्य सम्पन्न गरेका थिए ।
यसअघि माथिल्लो कोहिस्तान जिल्लाको समर नाला क्षेत्रमा केबल कार सिन्धु नदीमा खस्दा चार जनाको मृत्यु भएको थियो । मृतकहरू गिलगिट-बाल्टिस्तानको शितियालबाट तान्गिर क्षेत्रमा नदी पार गर्दै गर्दा केवल कारको तार चुडिएर तीब्र गतिमा बग्ने नदीमा खसेको थिए।
सत्य, तथ्य र स्वतन्त्र सामूदायिक डिजिटल मिडिया
