बुधबार बिहान काठमाडौंबाट पोखरा जाँदै गरेको बस गजुरी नजिकै अनियन्त्रित भई त्रिशूलीमा खस्दा आठजनाको मृत्यु भएको धादिङ प्रहरीले जनाएको छ ।
प्रहरीका अनुसार, बस सडकबाट करिब ४० मिटर तल नदीमा खसेको थियो। बसमा ३०/३२ जना सवार थिए। जसमध्ये १६ जनाको उद्वार गरिएकोमा आठजनाको मृत्यु भएको जनाएको छ।
यतिबेला विभिन्न निकायसंगको समन्वयमा उद्वारकार्य जारी रहेको प्रहरीले बताएको छ।
धादिंड् प्रहरीका अनुसार अहिले दुर्घटनास्थलमा सशस्त्र प्रहरी बल नेपाल विपत् व्यवस्थापन सुरक्षा बेस आदमघाटबाट डिएसपीको कमान्डमा १६ जना र विपत् व्यवस्थापन तालिम शिक्षालय कुरिनटारबाट डिएसपीको कमान्डमा आठजना गोताखोरसहित २६ जना सशस्त्र प्रहरीको फौज उद्धारमा खटिएको छ।
लेखक
सत्य, तथ्य र स्वतन्त्र सामूदायिक डिजिटल मिडिया
