एसिया कप २०२३ अन्तर्गत सुपर चारको खेलमा भारतले उत्कृष्ट ब्याटिंगको प्रदर्शन गर्दै पाकिस्तानलाई ३५७ रनको लक्ष्य दिएको छ।
ब्याटिङ क्षमताको आश्चर्यजनक प्रदर्शन गर्दै विराट कोहली र केएल राहुलले भारतलाई कट्टर प्रतिद्वन्द्वी पाकिस्तान विरुद्ध प्रभावशाली रन स्कोरमा पुर्याए। बर्षाको धेरै अवरोध भएको खेलमा अन्ततः भारतले दुई विकेटमा ३५६ रनको अंक ल्याउन सफल भयो।
कोहली र राहुलको साझेदारी भारतको इनिङ्सको आधारशिला साबित भयो। दुवै ब्याट्सम्यानले रिजर्भ डेको खेलभरि पाकिस्तानी बलरलाई निराश बनाएका थिए । कोहलीले विशेष गरी आफ्नो मास्टरक्लास प्रदर्शन गर्दै, केवल ९४ बलमा उल्लेखनीय १२२ रन जोड्दै आफ्नो इनिंग समाप्त गरे । त्यस्तै , राहुलले पनि उत्तिकै प्रभावशाली प्रदर्शन गर्दै १०६ बलमा १११ रन बनाएर अविजित रहे। दुई दिग्गज खेलाडीबीच १९४ बलमा २३३ रनको अविजित साझेदारी रह्यो । कोहलीको यो ४७औं एकदिवसीय शतक हो।
यो स्कोरसगै आफ्नो इनिङ्सको दौडानमा कोहलीले नया रेकर्ड बनाएका छन। यो उल्लेखनीय उपलब्धिले इतिहासमा एक महान ओडीआई ब्याट्सम्यानको उपमा समेत थपेका छन् ।
राहुलको प्रदर्शन विशेष गरी महत्वपूर्ण थियो। उनी चोटका कारण लामो समयपछि एकदिवसीय खेलेका थिए। उनको शतकले भारतको एकदिवसीय टोलीमा उनको उपस्थिति कति महत्त्वलाई रहेछ भन्ने देखाएको छ ।
खेल सुरु हुदा शुभमन गिल र रोहित शर्मा बीचको रोमाञ्चक ओपनिंग साझेदारीले पाकिस्तानको खतरनाक गतिको बलिङ्ग आक्रमणलाई सुरुको २० ओभरमा प्रभावकारी रूपमा जवाफ दिएको थियो । गिलले ३७ बलमा आफ्नो लगातार दोस्रो एकदिवसीय अर्धशतक बनाए , जबकि रोहितले ४२ बलमा एक शक्तिशाली छक्काका साथ आफ्नो अर्धशतक पूरा गरे।
तर, शादाब र अफ्रिदीले रोहित र गिललाई लगातार ओभरमा आउट गरेपछि पाकिस्तानले दबाबमा राखेको थियो।
कोहली र राहुलबीचको साझेदारी बढन थालेपछि भारी वर्षाले खेल अवरुद्ध भएको थियो । दिनको सुरुमै घाम लागे पनि लगातारको वर्षाले खेलाडीलाई मैदानबाट बाहिर निकाल्न बाध्य बनाएको थियो ।
खेल पून शुरु भए लगत्तै विश्वभरका क्रिकेटका फ्यानहरु उत्सुकताका साथ दुई क्रिकेट दिग्गजहरू बीचको यो उच्च स्कोरको खेल हेरिरहेका छन्। यतिबेला, पाकिस्तान बिशाल ३५७ को लक्ष पछ्याउदै २ विकेटको क्षतिमा ४३ रन जोडेको छ।
सत्य, तथ्य र स्वतन्त्र सामूदायिक डिजिटल मिडिया
