नेदरल्याण्डको रोटरडम सहरमा बिहीबार गोलीकाण्डका दुई घटना भएका छन् । समाचार एजेन्सी एपीका अनुसार पहिलो घटना युनिभर्सिटी अस्पताल (मेडिकल कलेज) र दोस्रो घटना एउटा घरमा भएको हो ।
गोली हानाहानबाट धेरै मानिस मारिएको हुन सक्ने आसंका गरिएको छ। तर, अहिले मेडिकल कलेजमा भएको गोलीकाण्डमा २ जनाको मृत्यु भएको प्रहरीले पुष्टि गरेको छ । यो संख्या बढ्न सक्ने भनिएको छ ।
बिबिसीका अनुसार मृत्यु हुनेमा ३९ वर्षीया महिला र ४२ वर्षीय शिक्षक रहेको प्रहरीले जनाएको छ । मृत्यु भएकी महिलाकी १४ वर्षीया छोरीलाई पनि गोली लागेको छ । उनलाई गम्भीर अवस्थामा अस्पतालमा भर्ना गरिएको छ , बिबिसीले प्रहरी प्रमुख फ्रेड वेस्टरबेकेलाई उदृत गर्दै जनाएको छ।
प्रहरीका अनुसार सैन्य पोशाक लगाएका एक व्यक्तिले मेडिकल कलेजको कक्षा कोठामा बन्दुक प्रहार गरेका थिए । शंकास्पद अभियुक्तको उमेर ३२ वर्ष रहेको बताइएको छ । उनी पक्राउ परेका छन् । स्थानीय मिडियाका अनुसार गोलीबारीपछि मेडिकल कलेजमा आगलागी भएको थियो ।
सत्य, तथ्य र स्वतन्त्र सामूदायिक डिजिटल मिडिया
