गैरआवासीय नेपाली संघ (एनआरएनए) अन्तर्राष्ट्रिय समन्वय परिषद्को अध्यक्षमा डा बद्री केसी पुनः निर्वाचित भएका छन् । डा केसीले १ हजार ३ सय ७८ मत प्राप्त गरी अर्को कार्यकालका लागि संस्थाको नेतृत्व गर्ने जनादेश प्राप्त गरेका छन् ।
एनआरएनएको निर्वाचनमा अध्यक्षको प्रतिष्ठित पदका लागि अन्य दुई प्रमुख उम्मेदवारहरू प्रतिस्पर्धामा थिए। राजेन्द्रकुमार शर्माले १ हजार २ सय ८१ मत प्राप्त गरे भने महेशकुमार श्रेष्ठले १ हजार २ सय २५ मत प्राप्त गरे । यी उम्मेदवारहरू बीचको कडा प्रतिस्पर्धा भएको थियो।
अध्यक्ष बाहेक एनआरएनए भित्रका अन्य पदका लागि पनि चुनावी प्रतिस्पर्धा थियो । उपाध्यक्षमा डा विनोद श्रेष्ठ, हेमराज शर्मा, खगेन्द्र न्यौपाने, रामशरण सिंहडाडा, र रोविनप्रसाद शेरचन निर्वाचित भएका छन् । तर, उपाध्यक्षमा डा केशव पौडेल र सुनिल शाह पराजित भएका छन् । दुहैजना अमेरिकाबाट वाट उम्मेदवार भएका थिए ।
यसैगरी, महासचिवमा गौरी जोशीले २ हजार २३ मत प्राप्त गरी विजयी भएका छन। उनका प्रतिद्वन्दि बुद्दि सुवेदीले
१ हजार ८१८ मत प्राप्त गरेका थिए। महासचिवमा दुबैजना अमेरिकाबाट उम्मेदवार भएका थिए ।
यसबाहेक, वेद बस्नेतलाई अमेरिका क्षेत्रीय संयोजकको रूपमा चयन गरिएको छ।
चुनावी नतिजाले एनआरएनएको अग्रपंक्तिमा नयाँ नेताहरू ल्याएको छ भने निर्वाचन परिणामको घोषणापछि असन्तुष्टहरूले नारा लगाएका थिए। जिएनवीलाई प्राप्त भिडियो फोटेज अनुशार अनलाइन मार्फतको निर्वाचनबाट धादली भएको उनीहरूको आरोप छ।
सत्य, तथ्य र स्वतन्त्र सामूदायिक डिजिटल मिडिया
