पाकिस्तानका पूर्वप्रधानमन्त्री इमरान खानलाई सोमबार गोप्य कागजात चुहावट गरेको अभियोग लगाइएको एक अभियोजकले संचार माध्यमलाई बताएका छन्।
“आज उनलाई दोषी ठहर गरिएको थियो र आरोपहरू खुलेर पढिएको थियो “, पाकिस्तानको संघीय अनुसन्धान एजेन्सीका शाह खवरले खानलाई राखिएको अदियाला जेल बाहिर संचार माध्यमलाई भनेका छन।
खानसँगै पाकिस्तान तहरीक-ए-इन्साफ (पीटीआई) पार्टीका उपाध्यक्ष तथा पूर्व विदेशमन्त्री शाह महमूद कुरैशीलाई पनि साइफर मुद्दामा दोषी ठहर गरिएको छ।
सरकारको संघीय अनुसन्धान एजेन्सीको प्रतिवेदनका अनुसार, यो मुद्दा एउटा कुटनैतिक सन्देश केबलसँग सम्बन्धित छ जुन खानले प्रमाणको रूपमा प्रस्तुत गरेको थियो कि उनलाई शक्तिशाली सैन्य प्रतिष्ठानले समर्थन गरेको अमेरिकी षडयन्त्रको एक हिस्साको रूपमा हटाइयो।
पूर्व क्रिकेट सुपरस्टारलाई भ्रष्टाचारको आरोपमा अगस्टमा तीन वर्षको लागि जेल सजाय सुनाइएको थियो, तर उनको सजाय पछि उल्टियो र राज्य कागजातहरू सेयर गरेको धेरै गम्भीर आरोपमा उनलाई हिरासतमा राखियो।
पूर्वप्रधानमन्त्री खानका वकिलहरूले यस मुद्दामा अधिकतम १४ वर्षको जेल सजायको प्रावधान रहेको बताएका छन् ।
उनलाई जनवरी २०२४ मा हुने निर्वाचनमा भाग लिन पनि प्रतिबन्ध लगाइएको छ ।
सत्य, तथ्य र स्वतन्त्र सामूदायिक डिजिटल मिडिया
