मध्य मेक्सिकोको टेक्सकाल्टिटलान नगरपालिकामा शुक्रबार एक घातक भिडन्त हुदा कम्तिमा ११ जनाको मृत्यु भएको राज्य सुरक्षा सचिवालयले जनाएको छ।
मृतकमध्ये आठ जना भिडन्तमा संलग्न सशस्त्र समूहका सदस्य रहेको र बाँकी तीन स्थानीय बासिन्दा रहेको अधिकारीहरूले जानकारी दिएका छन् । स्थानीय मिडियाले रिपोर्ट गरे अनुसार ल्याटिन अमेरिकामा प्रचलित जबरजस्ती फिरौतीको सामान्य अभ्यास “भूमि अधिकार” मा विवाद हुदा भिडन्त भएको थियो।
भिडन्त कथित रूपमा सशस्त्र समूह र समुदायका बासिन्दाहरू बीच असफल वार्ता पछि भएको थियो। स्थानीय मिडिया आउटलेट मिलेनियो द्वारा आपराधिक संदिग्धको रूपमा पहिचान गरिएको सशस्त्र समूहले कथित रूपमा उनीहरूले जग्गा अधिकारका लागि बासिन्दाहरूसंग लिने रकम बढाउने प्रयास गरेको थियो। वार्ता असफल भएपछी गोली हानाहान भएको थियो ।
प्रदेश सुरक्षा सचिवालयले घटनाको अनुसन्धान थालेको छ । यस घटनाले यस क्षेत्रमा भूमि अधिकार र संगठित अपराध सम्बन्धी जारी चुनौतीहरूलाई जोड दिएको छ ।
सत्य, तथ्य र स्वतन्त्र सामूदायिक डिजिटल मिडिया
