केन्द्रीय अनुसन्धान ब्यूरो (सिआइबी)ले ‘लिटिल बुद्ध’ भनेर चिनिने रामबहादुर बम्जनलाई काठमाडौंको बुढानीलकण्ठबाट पक्राउ गरेको छ । सर्लाही अदालतले पक्राउ पुर्जी जारी गरेपछि बमजन पाँच वर्षदेखि फरार थिए ।
उनले आफ्नो आश्रममा तीन युवतीलाई यौन दुर्व्यवहार गरेको र प्रहरीले छापा मार्ने क्रममा झ्यालबाट हाम फालेर पक्राउ गर्नबाट जोगिने प्रयास गरेको आरोप छ। उनलाई आज मंगलबार काठमाडौंको बुढानिलकण्ठस्थित एक घरबाट पक्राउ गरिएको हो ।
विगत बर्षहरूमा महिनौंसम्म खाना, पानी वा निद्राविना ध्यान गरेको भनी र्चचा बटुल्न सफल भएका रामबहादुर बम्जनलाई शुरूदेखि नै विवादित व्यक्ति मानिदै आएका थिए । उनले आफ्ना केही अनुयायीहरूलाई शारीरिक र यौन दुर्व्यवहार गरेको आरोप लगाइएको छ। जुलाई २०२० मा उनीविरुद्ध जिल्ला अदालत सर्लाहीमा यौन शोषणको मुद्दा दायर भएको थियो । बम्जनलाई उनका चारजना चेला बेपत्ता पारेको आरोपमा पनि अधिकारीहरूले खोजेका थिए।
रामबहादुर बम्जन पक्राउ भए पश्चात उनीमाथि लागेका यौन दुर्व्यवहारको आरोपमा चलिरहेको अनुसन्धानमा सहयोग पुग्ने अधिकारिहरूले बताएका छन ।
अनुयायीमाथि यौन शोषण लगायतका विभिन्न आरोपमा विगत केही वर्षदेखि अधिकारीहरुले उनको खोजी गरिरहेका थिए । बम्जनको गिरफ्तारीले पीडित र तिनका परिवारलाई केही राहत मिल्नेछ ।
सत्य, तथ्य र स्वतन्त्र सामूदायिक डिजिटल मिडिया
