रौतहटको यमुनामाई गाउँपालिकामा हुलदंगा भै मतपेटिका लुटपाट भएको छ ।
यमुनामाई गाउँपालिकाको वडा नम्बर १ को चिकना जेठरहिया ‘क’ मतदान स्थल र वडा नम्बर २ को एक मतदान स्थलमा हुलदंगा भै आक्रोशित भिडले मतदान केन्द्र कब्जामा लिई मतपत्र च्यातेको र मतपेटिका समत लुटिएको जिल्ला निर्वाचन कार्यालय रौतहटले जनाएको छ।
नेपाली कांग्रेस, जनता समाजवादी पार्टी, र नेकपा एमालेका कार्यकर्ताबीच मतदानस्थलमा झडप हुँदा आक्रोशित भिडले मतपेटिका लिएर भागेका थिए।
त्यसक्रममा केहीले मतपेटिका समेत लिएर भागेको र पछि पानी हालेको अवस्थामा मतपेटिका बरामद भएको प्रहरीले जनाएको स्थानिय समाचारदाताले जनाएका छन् ।
दुवै स्थानमा अपरान्ह ३:५० बजे मतदान स्थगित गरिएको निर्वाचन अधिकृतले एक सुचना जारी गर्दै जानकारी दिएका छन् ।
लेखक
सत्य, तथ्य र स्वतन्त्र सामूदायिक डिजिटल मिडिया
