काठमाडौं महानगरको बिहीबार साँझ ७ बजेसम्म ६०,८९० मतगणना सम्पन्न भै सकेको निर्वाचन अधिकृत राजुकुमार खतिवडाले जानकारी दिएका छन्।
काठमाडौं महानगरपालिकाको मेयरमा स्वतन्त्र उम्मेदवार वालेन्द्र साह वालेनले भारी मतान्तरका साथ अग्रतालाई निरन्तरता दिएका छन् । यता महानगरको उपमेयरमा भने नेकपा एमालेकी सुनिता ढंगोलले अग्रता कायम राखेकी छन् ।
काठमाडौं महानगरको मेयरमा बालेनले २२,९६५ मतसहित आज पनि अग्र स्थानमा छन्। नेकपा (एमाले) का केशव स्थापित १२,१२० मतका साथ दोश्रो स्थानमा र नेपाली कांग्रेसकी सिर्जना सिंह ११, ४१४ मत सहित तेश्रो स्थानमा छन्।
यसैगरी, उपमेयरमा एमालेकी सुनिता डंगोल २२,५२२ मत सहित आज पनि अग्र स्थानमा छन्। गठबन्धनतर्फका नेकपा (एकीकृत समाजवादी) का रामेश्वर श्रेष्ठले ७,४५२ मत सहित दोश्रो स्थानमा छन्।
महानगरको वडा नं. १, २,३, ४ र ५ को मतपरिणाम घोषणा भइसकेको छ । भृकुटीमण्डपस्थित राष्ट्रिय सभा गृहमा वडा नं. ४, ६, २७, २८, २९, ३०, ३१ र ३२ को मतगणना भइरहेको छ ।
सत्य, तथ्य र स्वतन्त्र सामूदायिक डिजिटल मिडिया
