अमेरिकी सदनकी सभामुख न्यान्सी पेलोसीले ताइवान नछोड्ने आफ्नो देशको प्रतिबद्धता व्यक्त गरेकी छन् । चीनको चेतावनीलाई बेवास्ता गर्दै हिजो राति यहाँ आएकी पेलोसीले ताइवानका नेताहरूसँगको आजको भेटमा अमेरिकाले ताइवानप्रतिको प्रतिबद्धता त्याग्न नसक्ने बताएकी हुन् ।
राष्ट्रपति साई इङ–वेनसँगको भेटमा पेलोसीले विश्वले प्रजातन्त्र र निरंकुशतामध्ये एक रोज्नुपर्ने अवस्थाको सामना गरिरहेको बताइन् ।
अमेरिका र चीनबीच बढेको तनावको समयमा २५ वर्षको अन्तरालमा ताइवान भ्रमण गर्ने उनी उच्च अमेरिकी अधिकारी हुन्।
राष्ट्रपति साईले सभामुख पेलोसीलाई उनको ताइवान भ्रमणको लागि धन्यवाद दिइन । उनले स्पीकर पेलोसी ताइपेईमा अवतरण गरेपछि मुख्य भूमि चीनबाट भएका सैन्य अभ्यास अनावश्यक प्रतिक्रिया भएका टिप्पणी गरिन ।
चीनले ताइवानलाई आफ्नो क्षेत्र मान्ने हो भने आवश्यक परे बल प्रयोग गरेर उक्त टापुलाई पुनः दाबी गर्न सक्ने बताएको छ। अमेरिकाले पनि ‘एक चीन’ नीति अवलम्बन गर्दै आएको छ । अमेरिकाले बेइजिङलाई चीनको सरकारको रुपमा पनि मान्यता दिएको छ । थप रूपमा, अमेरिकाले ताइवान र अन्य देशहरूसँग अनौपचारिक रक्षा सम्बन्धहरू कायम राखेको छ।
सत्य, तथ्य र स्वतन्त्र सामूदायिक डिजिटल मिडिया
