अमेरिकामा कोरोना भाइरस, मोन्कीपक्सजस्ता महामारी अझै सकिएको छैन कि नयाँ रोगको संक्रमण फैलिएको देखिएको छ । जसका कारण मानिसहरु निकै त्रसित हुन थालेका छन् । अमेरिकाका धेरै राज्यमा लिस्टेरियाको संक्रमण तीव्र गतिमा फैलिरहेको छ । यो संक्रमण दूषित मासुमा पाइने बताइएको छ । श्वास्थ विज्ञका अनुसार यो खानामा पाइने ब्याक्टेरिया हो, जसका कारण यो संक्रमण फैलिन्छ ।
लिस्टेरियाको लक्षण
लिस्टेरियाबाट संक्रमित हुँदा ज्वरो, पखाला, मांसपेशी दुखाइ हुन्छ। ६५ वर्षभन्दा माथिका र गर्भवती महिलालाई यो संक्रमणको ठूलो जोखिम रहन्छ । यस बाहेक रोग प्रतिरोधात्मक क्षमता कमजोर भएकाहरुलाई पनि जोखिम बढ्न सक्छ । यो रोग गर्भवती, ६५ वर्षभन्दा माथिका वा कमजोर प्रतिरक्षा प्रणाली भएका मानिसहरूका लागि गम्भीर हुन सक्छ।
अमेरिकामा १६ वटा लिस्टरियाको रिपोर्ट
सेन्टर फर डिजिज कन्ट्रोल एण्ड प्रिभेन्सनका अनुसार नोभेम्बर ९ सम्ममा न्यूयोर्क, मेरील्याण्ड, न्यु जर्सी, इलिनोइस, क्यालिफोर्निया र म्यासाचुसेट्समा १६ वटा लिस्टरियाका घटनाहरू रिपोर्ट गरिएको छ। जसमा गर्भवती महिला पनि छन् । महिलामा संक्रमण भएपछि उनको बच्चाको मृत्यु भयो । योसँगै यो संक्रमणका कारण थप एक जनाको मृत्यु भएको छ । जम्मा १३ जना अस्पताल भर्ना भएका छन् । यस रोगका सम्बन्धमा सीडीसीले संक्रमित बिरामीको संख्या अझै बढ्न सक्ने बताएको छ । संक्रमित धेरै भएको र उनीले उपचार बिना नै निको भएकाले कहिल्यै परीक्षण नगरेको जनाईएको छ।
ग्रसरी स्टोरबाट मासु र चीज किनेर खाएको रिपोर्ट
अधिकांश बिरामीले चिज वा मासु खाएको रिपोर्ट गरेका छन। न्यूयोर्कमा ७ मध्ये ५ बिरामीहरूले भनेका छन कि उनीहरूले अन्तर्राष्ट्रिय खाना बेच्ने ग्रसरी स्टोरहरूबाट खाद्य वस्तुहरू किनेका थिए। अहिले यो सङ्क्रमण एउटा राज्यमा मात्रै होइन, धेरैमा देखिएको छ । सिडिसीले भनेको छ कि बिरामीहरूबाट लिइएको नमूनाहरूमा सोही ब्याक्टेरियाबाट संक्रमित भेटिएको छ। यस्तो अवस्थामा एकै प्रकारको खानेकुराबाट मानिस बिरामी परेको बताइएको छ । हाल स्वास्थ्य अधिकारीहरूले मानिसहरूलाई मासु र चीज नखान सल्लाह दिएका छन्।
सत्य, तथ्य र स्वतन्त्र सामूदायिक डिजिटल मिडिया
