साफ यू–२० महिला च्याम्पियनसिपमा नेपाल उपविजेता बनेको छ । ढाकास्थित बीएसएसएस मोस्तफा कमल रंगशालामा बिहीबार भएको फाइनल खेलमा नेपाल घरेलु टोली बंगलादेशसँग ३–० ले पराजित भएको हो ।
योसँगै नेपाल दोस्रो पटक उपविजेता बनेको छ । सन् २०१८ मा भएको पहिलो संस्करणमा नेपाल फाइनलमा बंगलादेशसँग पराजित भएर उपविजेता बनेको थियो ।
त्यस्तै यस संस्करणमा नेपाल बंगलादेशसँग दुई पटक पराजित भएको थियो । चार राष्ट्रको च्याम्पियनसिपको पहिलो खेलमा नेपाल बंगलादेशसँग ३–१ ले पराजित भएको थियो ।
बिहीबार भएको फाइनल खेलमा बंगलादेशले पहिलो हाफमा दुई र दोस्रो हाफमा एक गोल गरेको थियो । ४२औं मिनेटमा साहेदा अख्तर रिपाले गोल गर्दै अग्रता लिएकी थिइन् ।
पहिलो हाफको इन्जुरी टाइमको पहिलो मिनेटमा कप्तान समसुन्नाहरले गोल गर्दै अग्रता दोब्बर बनाएकी थिइन्। त्यस्तै, ८७ औं मिनेटमा बंगलादेशका लागि उनोती खातुनले गोल गरिन् ।
सत्य, तथ्य र स्वतन्त्र सामूदायिक डिजिटल मिडिया
