नेपालको तेस्रो राष्ट्रपतिमका रूपमा नेपाली कांग्रेसका उम्मेदवार रामचन्द्र पौडेल निर्वाचित भएका छन् ।
बिहीबार भएको निर्वाचनमा पौडेलले ३३ हजार ८०२ मतभार प्राप्त गर्दै राष्ट्रपतिमा निर्वाचित भएका हुन् । उनले २१४ संघीय सांसद र ३५२ प्रदेश सांसदको मत पाएका हुन् ।
संघीय संसद र प्रदेशसभा सदस्यले मतदान गर्ने राष्ट्रपति निर्वाचनमा ३१३ संघीय सांसद र ५१८ प्रदेशसभा सदस्य गरी ८३१ जनाले मतदान गरेका थिए ।
राष्ट्रपतिका लागि भएको निर्वाचनमा पौडेललाई आठ दलहरूः नेपाली कांग्रेस, नेकपा माओवादी केन्द्र, जनता समाजवादी पार्टी, नेकपा एकीकृत समाजवादी, राष्ट्रिय स्वतन्त्र पार्टी, जनमत पार्टी, नागरिक उन्मुक्ति पार्टी, राष्ट्रिय जनमोर्चाका सांसदहरूले मत दिएका थिए ।
उता, एमालेका तर्फबाट राष्ट्रपतिका लागि उम्मेदवार सुवासचन्द्र नेम्वाङले १५ हजार ५१८ मत भार पाए । जसमध्ये ९६ संघीय सांसद र १६२ प्रदेश सांसदको मत उनले पाए ।
सत्य, तथ्य र स्वतन्त्र सामूदायिक डिजिटल मिडिया
