आकासमा उडेका नेपाल एयरलाइन्स र एयर इन्डियाका विमानहरू अचानक आपसमा नजिक आएपछि विमानको चेतावनी प्रणालीका कारण ठोक्किएर दुर्घटना हुन बाट जोगिएका छन्। यस घटनामा त्रिभुवन अन्तर्राष्ट्रिय विमानस्थलका एयर ट्राफिक कन्ट्रोलरलाई अर्को आदेश नभएसम्म पदबाट हटाइएको छ । नेपाल नागरिक उड्डयन विभागले यस्तो कारबाही गरेको जनाएको हो । गत मार्च २४ मा नेपाल एयरलाइन्स र एयर इन्डियाको बिमान आकासमा झन्डै ठोक्किएको थियो । विमानको चेतावनी प्रणालीका कारण ठूलो दुर्घटना हुनबाट जोगिएको थियो ।
घटना यस्तो थियो
गत शुक्रबार नेपाल एयरलाइन्स र एयर इन्डियाको विमान आकाशमा निकै नजिक आएपछि चेतावनी प्रणालीले पाइलटहरूलाई सचेत गराएको थियो। यस चेतावनीबाट पाइलटहरुले समयमै विमानलाई सन्तुलनमा ल्याउन सफल हुदा दुर्घटना हुन बाट जोगिएको थियो । नेपाल नागरिक उड्डयन प्राधिकरण (क्यान)ले हवाई ट्राफिक नियन्त्रण विभागका दुई कर्मचारीलाई लापरबाही गरेको आरोपमा निलम्बन गरेको छ । उनीहरुको नाम बताइएको छैन।
यसरी टर्यो दुर्घटना ?
शुक्रबार बिहान मलेसियाको क्वालालम्पुरबाट काठमाडौं आउँदै गरेको नेपाल एयरलाइन्सको उडान र नयाँ दिल्लीबाट काठमाडौं आउँदै गरेको एयर इन्डियाको उडान एकदमै नजिक आएको थियो । एयर इन्डियाको विमान १९ हजार फिटबाट एक्कासी तल १५ हजार फिटमा झरेको थियो भने नेपाल एयरलाइन्सको जहाज सोही स्थानमा १५ हजार फिटको उचाइमा उडिरहेको थियो । राडारले दुवै विमान नजिक देखिएपछि नेपाल एयरलाइन्सको विमान ७ हजार फिट तल ओर्लिए पछि ठूलो दुर्घटनाहुन बाट जोगिएको थियो।
छानबिन समिति गठन गठन
घटनाको छानबिन गर्न नागरिक उड्डयन प्राधिकरणले तीन सदस्यीय छानबिन समिति गठन गरेको छ । घटनाको समयमा कन्ट्रोल रुमको इन्चार्जमा रहेका दुई अधिकारीलाई क्यानले निलम्बन गरेको छ । एयर इन्डियाबाट तत्काल कुनै प्रतिक्रिया आएको छैन।
सत्य, तथ्य र स्वतन्त्र सामूदायिक डिजिटल मिडिया
