सत्ता हाँकिरहेको नेकपा माओवादीसहित चार पार्टीले समाजवादी मोर्चा घोषणा गरेका छन् । सोमबार राष्ट्रिय सभा गृहमा भएको घोषणा सभामा नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी र नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी सम्मिलित मोर्चा घोषणा भएको हो ।
घोषणा सभामा माओवादी केन्द्रका अध्यक्ष एवं प्रधानमन्त्री पुष्पकमल दाहाल, नेकपा एकीकृत समाजवादीका अध्यक्ष माधवकुमार नेपाल, जनता समाजवादी पार्टीका अध्यक्ष उपेन्द्र यादव र नेपाल कम्युनिष्ट पार्टीका महासचिव नेत्रविक्रम चन्दले समाजवादी मोर्चा नेपालको सहमतिपत्रमा संयुक्त हस्ताक्षर गरेका छन् ।
मोर्चा घोषणा कार्यक्रममा सहमतिपत्र वाचन गर्दै नेता राजेन्द्र श्रेष्ठले यसमा चार दलले आलोपालो नेतृत्व गर्ने बताउनुभयो ।
मोर्चा प्रदेश र स्थानीय तहसम्म विस्तार गर्ने घोषणासमेत गरिएको छ ।
श्रोत: आइएनएस-स्वतन्त्र समाचार
सत्य, तथ्य र स्वतन्त्र सामूदायिक डिजिटल मिडिया
