अमेरिकाको मिसौरी राज्यको कन्सास सिटीमा आइतबार बिहान भएको गोलीकाण्डमा कम्तिमा तीन जनाको मृत्यु भएको र धेरैलाई अस्पतालमा भर्ना गरिएको प्रहरीले जनाएको छ ।
स्थानीय समय अनुसार बिहान ४ : ३० बजे ५७ औं स्ट्रिट र प्रोस्पेक्ट एभिन्यूमा भएको गोलीबारीको जानकारी दिदै पार्किङमा र चौबाटो नजिकैको सडकमा तीन जनालाई मृत फेला पारेको कन्सास सिटी पुलिस विभागले संचार माध्यमलाई बताएको छ।
मृतक ३ जनामा , २ वयस्क पुरुष र १ वयस्क महिला भएको र उनीहरु घटनास्थलमै मृत्यु भएको प्रहरीले जनाएको छ ।
प्रहरी अधिकारीहरूका अनुसार पाँच जना पीडितहरूलाई निजी सवारीसाधन वा एम्बुलेन्सहरूद्वारा उपचारका लागी विभिन्न अस्पतालमा लगिएको थियो।
प्रारम्भिक जानकारीले पीडितहरूलाई गोली हानेको बेला चौबाटोमा र पार्किङ स्थलमा मानिसहरूको ठूलो जमघट भएको बुझिएको प्रहरीले बताएको छ ।
यस घटनाका धेरै साक्षीहरू भएको र उनीहरुबाट बहुमूल्य जानकारी प्राप्त हुने र छानविनमा सहयोग पुग्नेमा अधिकारीहरु विश्वस्त रहेको प्रहरीले बताएको छ।
यतिबेला गोलीबारीको अनुसन्धान भइरहेको छ ।
“आज बिहान ५७ र प्रोस्पेक्ट नजिकैको जमघटमा गोलीबारीमा मारिएका तीन व्यक्तिका परिवारहरूप्रति मेरो संवेदना। यदि व्यवसायीलाई थाहा थियो कि जमघटमा व्यक्तिहरू उपस्थित हुनेछन्, सुरक्षा बिना, रक्सी बेच्ने, र हाम्रा कानूनहरूलाई विफल पार्ने, त्यस्तो व्यवसाय बन्द गरिनु पर्छ, “कन्सास सिटी, मिसौरी, मेयर क्विन्टन लुकासले फेसबुकमा एक विज्ञप्ति मार्फत आफ्नो प्रतिक्रिया दिएका छन् ।
आइतबार दोस्रो गोलीकाण्ड- अनुसन्धान जारी
स्थानीय समय अनुसार बिहान ३ बजे केसीपीडीले ३१ औं स्ट्रिट नजिकै अर्को गोलीबारीको जानकारी दिएको छ । घाइतेहरूको सङ्ख्या तुरुन्तै थाहा हुन सकेको छैन, तर केहीको अवस्था गम्भीर छ, स्थानिय के एसएचबि – टिभीले रिपोर्ट गरेको छ।
सत्य, तथ्य र स्वतन्त्र सामूदायिक डिजिटल मिडिया
