सामाजिक सञ्जाल ट्विटरले आफ्नो एप प्रयोगको नियमहरुमा क्रमिकरुपमा परिवर्तन गर्दै आएको छ । एलोन मस्कले प्रयोगकर्ताहरूलाई ट्विटरमा पोस्टहरू पढ्नको लागि सीमा तोकेका छन्। यसअघि एलोन मस्कले कसैले ट्वीट हेर्न चाहेमा पहिले ट्विटरमा लगइन गर्नुपर्ने नियम बनाएका थिए ।
अब चर्चा गरौ : ट्विटरमा के नयाँ परिवर्तन गरिएको छ? ट्विटरले किन यी परिवर्तनहरू गरेको हो? यी परिवर्तनहरूले प्रयोगकर्ताहरूलाई कसरी असर गर्नेछ? के अब प्रयोगकर्ताहरू विकल्प खोज्दै छन् ?
ट्विटरमा नयाँ परिवर्तन के छ?
एलोन मस्कले ट्विटर प्रयोगकर्ताका लागि तीन नयाँ नियमहरू ल्याएका छन्। यी नियमहरू अन्तर्गत प्रयोगकर्ताहरूलाई प्लेटफर्ममा पोस्टहरू पढ्नको लागि सीमा तोकेको छ। अब प्रमाणित प्रयोगकर्ताहरूले आफ्नो खाताबाट दैनिक ६ हजार पोष्टहरू हेर्न वा पढ्न पाउने छन्। जबकि, अप्रमाणित प्रयोगकर्ताहरूले आफ्नो खाताबाट ६ सय पोष्टहरू मात्र हेर्न सक्षम हुनेछन्। त्यस्तै , नयाँ अप्रमाणित खाता भएका प्रयोगकर्ताहरूले एक दिनमा ३ सय पोष्टहरू मात्र हेर्न र पढ्न पाउने छन् ।
ट्विटरले किन यस्तो परिवर्तन गर्यो?
मस्कले एक ट्वीटमा दिएको जानकारी अनुसार यो एक अस्थायी व्यवस्था हो जुन ठूलो मात्रामा डाटा स्क्र्यापिंग र प्रणालीको हेरफेर रोक्नको लागि लागू गरिएको हो। डाटा स्क्र्यापिङ प्रक्रिया त्यो हो जसमा एआइ जस्तो स्वचालित सेवाहरूले सार्वजनिक रूपमा उपलब्ध वेबसाइटका सबै डाटाहरु लिन्छ।
यसैबीच, केही प्रयोगकर्ताहरू विश्वास गर्छन् कि यो कदम ट्विटर ब्लू सदस्यताको कार्यक्रमलाई प्रवर्द्धन गर्ने प्रयास हो, जहाँ प्रयोगकर्ताहरूले प्रति दिन ६ हजार ट्वीटहरू हेर्न सक्छन्।
यी परिवर्तनहरूले प्रयोगकर्ताहरूलाई कसरी असर गर्नेछ?
ट्विट पढ्ने सीमा सकिएपछि प्रयोगकर्ताहरूले ‘रेट लिमिट एक्ससीडेड’ (ट्वीट पढ़ने की सीमा सकियो ) जस्ता सन्देशहरू पाउने छन् । केही व्यक्तिहरू केही सयम पर्खिएर तथा आफ्नो टाइमलाइनलाई रिफ्रेस गर्दा पढन सक्षम भएका थिए, जबकि अरूले दिनको समयमा धेरै ट्वीटहरू हेर्न वा पढ्न सकेनन्। सुरुमा ट्वीटडेक प्रयोग गर्ने प्रयोगकर्ताहरूले सीमा पुगेपछि पनि ट्वीटहरू पढ्न सक्षम थिए। यद्यपि, सोमबार प्रयोगकर्ताहरूले ट्वीटडेकमा उनीहरूको फिडमा पुग्न समस्याहरू भएको बताएका छन् । यी परिवर्तनहरूले ट्विटरलाई ब्रेकिङ न्यूजको प्लेटफर्मको रूपमा प्रयोग गर्नेहरूलाई असर गर्न सक्छ।
प्रयोगकर्ताहरू ट्विटरको विकल्पको खोजीमा
ट्विटर धेरै हदसम्म मानिसहरूको रोजाइ थियो र यसका धेरै प्रयोगकर्ताहरूले ट्विटर छोडेनन्। यद्यपि, यसका नयाँ नियमहरूले प्रयोगकर्ताहरूलाई ट्वीटहरू हेर्न वा पढ्न असहज बनाएको छ , त्यसैले ट्विटरका प्रयोगकर्ताहरू यसको विकल्पको खोजीमा रहेका छन् ।
ट्विटरमा भइरहेको परिवर्तनको बीचमा गत फेब्रुअरीमा ट्विटरका पूर्व सीईओ ज्याक डोर्सीले ‘ब्लु स्काई’ नामक सामाजिक सञ्जालको साइट सुरु गरेका थिए । गत हप्ता प्रयोगकर्ताहरूले ट्विटर छोड्न थालेपछि साइटले नयाँ साइन-अपहरू बन्द गर्नुपरेको थियो। नयाँ साइन-अपहरू सोमबारबाट पून चालु हुन थालेको छ।
अन्य प्रयोगकर्ताहरूबाट प्राप्त हुने इनविटेशन कोड भएका व्यक्तिहरूले मात्र अब साइन अप गर्न सक्छन्। ‘ब्लु स्काई’ भन्छ कि यो एप र यसको नियम अझै विकासको क्रममा छ। यसको लुक र फिल ट्विटर र एप जस्तै छ, तर यसले हाल म्यासेज पठाउन अनुमति दिँदैन। यस बाहेक मानिसहरूलाई यसमा भिडियो अपलोड गर्न पनि अनुमति छैन।
‘मास्टोडन’ लाई ट्विटरको विकल्पको रूपमा पनि हेरिएको थियो। धेरै मानिसहरूले यसलाई प्रयोग गर्न थालेका थिए तर यसले अझै ट्विटरलाई प्रतिस्थापन गर्न सकेको छैन।
अर्कोतर्फ, मेटा (फेसबुक र इन्स्टाग्रामको मूल कम्पनी) ले ट्वीटर छाड्ने प्रयोगकर्तालाई ल्याउनका लागि कदम चाल्ने तयारी गरिरहेको छ । रिपोर्टका अनुसार टेक्समा आधारित एप थ्रेड्स वा ‘प्रोजेक्ट ९२’ चाँडै रिलिज हुने भएको छ । यो एप ठ्याक्कै ट्विटर जस्तै देखिने र प्रयोगकर्ताहरूलाई तिनीहरूले इन्स्टाग्राममा पहिले नै फलो गर्ने व्यक्तिहरूसँग जोडन अनुमति दिन्छ।
लगइन नगरी ट्वीट हेर्न नपाइने
ट्वीटरले ट्वीटको सीमा तय गर्नुअघि गत शुक्रबार नयाँ परिवर्तन गरेको थियो। नयाँ परिवर्तन अनुसार अब लगइन नगरी ट्वीट हेर्न पाइने छैन । यसको मतलब यो हो कि यदि तपाइँ ट्वीट हेर्न चाहनुहुन्छ भने, तपाइँले ट्विटरमा आफ्नो आईडी सिर्जना गर्नुपर्नेछ। एलोन मस्कले यसलाई अस्थायी आपतकालीपाइने उपाय पनि भनेका छन्।
ट्वीटरका मालिक एलोन मस्कले हाम्रो धेरै डाटा चोरिदै आएको र यो सामान्य प्रयोगकर्ताका लागि अपमानजनक भएको बताएका छन् । यसअघि पनि धेरै पटक मस्कले ओपन एआई लगायतका प्लेटफर्महरूप्रति आफ्नो असन्तुष्टि व्यक्त गरेका थिए । उनले भने कि धेरै प्लेटफर्महरूले उनीहरूको डाटाको साथ भाषिक मोडेलहरू तालिम दिन प्रयोग गर्थे। यसको फलस्वरूप ट्विटरले एप प्रोग्रामिङ इन्टरफेसका लागि थर्ड पार्टी एप्स र रिसर्चर्सलाई पनि चार्ज गर्न थालेको छ।
ट्विटरको नयाँ फिचर भिडियो डाउनलोड गर्ने सुविधा सार्वजनिक
यसैबीच ट्विटरले भिडियो डाउनलोड गर्ने सुविधा जारी गरेको छ । यस फिचर अन्तर्गत नयाँ डाउनलोड भिडियो विकल्प थपिएको छ। अर्थात्, ट्विटर प्रयोगकर्ताहरूले कुनै पनि तेस्रो पक्ष एप र साइटको मद्दत बिना प्लेटफर्ममा सीधा भिडियोहरू डाउनलोड गर्न सक्षम हुनेछन्। यद्यपि, यो सुविधा हाल बिटा परीक्षकहरूको लागि जारी गरिएको छ। एप अनुसन्धानकर्ता र ट्विटर प्रयोगकर्ता नीमा ओभजीले पनि यो सुविधाको बारेमा जानकारी दिँदै स्क्रिनसट सेयर गरेकी छन् । प्रयोगकर्ता भन्छन् कि ट्विटर भिडियो डाउनलोड बटनमा काम गरिरहेको छ र सिर्जनाकर्ताहरूले यसलाई इनेबल/डिसेबल गर्न सक्षम हुनेछन्। यो फिचर छिट्टै रोल आउट हुने दाबी गरिएको छ ।
सत्य, तथ्य र स्वतन्त्र सामूदायिक डिजिटल मिडिया
