अफगानिस्तानमा तालिबानको सरकारले महिला ब्यूटी पार्लरमा प्रतिबन्ध लगाएको छ। उनीहरूलाई एक महिनाको लागि व्यापार बन्द गर्न सूचना दिएको तालिवान सरकारका प्रवक्ताले मंगलबार जानकारी दिएका छन् । अफगानिस्तानमा तालिबानको सरकारले महिला र केटीहरूको अधिकार र स्वतन्त्रतामा लगाएको यो नयाँ प्रतिबन्ध हो।
“महिलाहरूका लागि ब्यूटी पार्लरहरू बन्द गर्ने समय सीमा एक महिना हो,” सद्भावको रोकथाम र प्रचारप्रसार मन्त्रालयका प्रवक्ता मोहम्मद सादिक अकिफ महजरले मंगलबार मन्त्रालयको सूचनालाई उल्लेख गर्दै संचार माध्यमलाई जानकारी दिएका छन् ।
महजरले सामाजिक सञ्जालमा भाइरल भएको पत्रको विषयवस्तु मात्र पुष्टि गरे । उनले २४ जुनको मितिको पत्र साझा गर्दै, मन्त्रालयले सर्वोच्च नेता हिबतुल्लाह अखुन्दजादाबाट मौखिक आदेश पठाएको बताएका छन् । यो प्रतिबन्ध राजधानी काबुल र सबै प्रान्तहरूमा रहनेछ। जसमा देशभरका सैलुनहरुलाई एक महिनाको लागि व्यवसाय बन्द गर्न सूचना दिइएको छ ।
विदेशी सरकार र संयूक्त राष्ट्र सङ्गले तालिबान सत्तामा फर्किएपछि महिलामाथि भएको बढ्दो प्रतिबन्धको निन्दा गरेका छन्।
यस अघि अफगानिस्तानमा तालिबानको सरकारले केटीहरू र महिलाहरूलाई स्कूल, विश्वविद्यालयमा जान र गैरसरकारी संस्थाहरूमा काम गर्नका साथै पार्क, सिनेमाघर र अन्य मनोरञ्जन क्षेत्रहरू जस्ता सार्वजनिक क्षेत्रहरूमा जान प्रतिबन्ध लगाएको थियो ।
सत्य, तथ्य र स्वतन्त्र सामूदायिक डिजिटल मिडिया
