बेलारुसका राष्ट्रपति अल्याक्सान्डर लुकाशेन्काले रुसी भाडा समूह वाग्नरका नेता येभगेनी प्रिगोजिन अहिले बेलारुसमा नभएर रुसमा रहेको बताएका छन् । लुकासेन्काले जुलाई ६ मा मिन्स्कमा भएको पत्रकार सम्मेलनमा यो दाबी गरेका हुन् । उनले वाग्नर लडाकुहरू जुन २४ मा भएको विद्रोह अघि राखिएका शिविरहरूमा रहेको पनि उल्लेख गरेका छन् ।
लुकासेन्काले रुसमा प्रिगोजिनको ठेगानाको बारेमा केहि बताएनन। प्रिगोजिन भएको स्थान अझै अज्ञात छ। वाग्नरका लडाकुहरूले छोटो समयका लागि दक्षिणी रूसी शहर कब्जा गर्दै गत महिना मस्को तर्फ मार्च गरेका थिए। सोहि समयमा बेलारूसी राष्ट्रपति लुकाशेन्कोले रूसी नेता तथा प्रिगोजिनसँग वार्ता गरेपछि एउटा सम्झौतामा पुगे। सम्झौता अनुसार वाग्नर निजी सैन्य कम्पनीले आफ्ना सैनिकलाई फिर्ता गराएका थिए। त्यस्तै , रुसले पनि जुन २७ मा आपराधिक मुद्दा समाप्त भएको घोषणा गरेको थियो । लुकासेन्काले प्रिगोजिनलाई र उनका सेनाहरूको लागि आममाफी र सुरक्षा ग्यारेन्टीहरू प्रदान गर्दै रुस संगको बिद्रोह समाधान गर्न सम्झौताको मध्यस्थता गरेका थिए । सम्झौताले प्रिगोजिन र तिनका लडाकुहरूलाई बेलारूसमा स्थानान्तरण गर्न अनुमति दिएको बताइएको थियो ।
त्यस घटना पछि प्रिगोजिनले रूसी राष्ट्रपति भ्लादिमिर पुटिनलाई महत्त्वपूर्ण चुनौती खडा गरेका थिए । यसअघि २७ जुनमा लुकासेन्काले प्रिगोजिन बेलारुसमा उपस्थित भएको बताएका थिए । लुकासेन्काले कथित वाग्नर भाडा शिविरहरूको स्थानहरूको ठेगानाका बारेमा खुलासा गरेनन्। प्रिगोजिन र उनका भाडाका सैनिकहरूलाई बेलारुसमा सम्भावित स्थानान्तरणको बारेमा पत्रकारहरुले सोध्दा लुकाशेन्काले यस्तो निर्णय प्रिगोजिन र रुसी सरकारमा निर्भर हुने बताए।
यसैबीच, क्रेमलिनका प्रवक्ता दिमित्री पेस्कोभले भने कि मस्कोले प्रिगोजिनको आन्दोलनलाई ट्र्याक गरिरहेको छैन। पेस्कोभले पुटिन र लुकासेन्का बीचको बैठकको लागि कुनै मिति तय नभएको र यस चरणमा एजेन्डाको विवरण पुष्टि गर्न नसक्ने बताएका छन् ।
रुसको सरकारी टिभीले प्रिगोजिनलाई “देशद्रोही” भन्दै भ्रष्टाचारको आरोप लगाएर आक्रमण गरेको छ। जुलाई ५ को साँझ प्रसारित हालैको रिपोर्टले सेन्ट पिटर्सबर्गमा प्रिगोजिनको कार्यालय, साथै उनको कथित “महलहरू” मा रुसी सरकारले छापा मारेको संचार माध्यमहरुले जनाएका छन् । फुटेजमा नगदको बन्डलहरू, सुनका बारहरू, हतियारहरू र भव्य निवासमा फेला परेको विगहरूको सङ्कलन, प्रिगोजिनको हेलिकप्टरको साथमा देखाइएको थियो।
सत्य, तथ्य र स्वतन्त्र सामूदायिक डिजिटल मिडिया
