नेपालका प्रधानमन्त्री पुष्पकमल दाहाल ‘प्रचण्ड’की पत्नी सीता दाहालको बुधबार निधन भएको छ । । सीता दाहाल लामो समयदेखि बिरामी थिइन । स्वास्थ स्थिति बिग्रिए पछि उनलाई नर्भिक अस्पतालमा भर्ना गरिएको थियो
प्रधानमन्त्रीकी श्रीमती पत्नी सीता दाहालको ६९ वर्षको उमेरमा बुधबार बिहान हृदयघात भएपछि मृत्यु भएको नर्भिक अस्पतालले जनाएको छ।अस्पतालले उनलाई ८:३३ मा मृत घोषणा गरेको थियो ।
केहि बर्ष अघि प्रचण्ड श्रीमतीको उपचारका लागि विदेश समेत गएका थिए । उनी पार्किन्सनजस्ता लक्षणबाट पीडित थिइन् । चिकित्सकका अनुसार पार्किन्सन (पीएसपी) एक दुर्लभ मस्तिष्क रोग हो र एक लाखमा ५–६ जनामा मात्रै देखिन्छ ।
जानकारी अनुसार सीता दाहालको स्वास्थ्य बिग्रिएपछि गत असोजमा सघन उपचार कक्ष (आईसीयू) मा भर्ना गरिएको थियो । उनलाई थप उपचारका लागि अमेरिका , भारतका साथै नेपालका विभिन्न अस्पतालमा लगिए पनि उनको स्वास्थ्यमा सुधार भएको थिएन ।
प्रधानमन्त्री पुष्पकमल दाहालकी पत्नी सीता दाहाललाई माओवादी केन्द्रको पार्टी मुख्यालय पेरिसडाँडामा श्रद्धाञ्जली दिएपछि अन्तिम संस्कारका लागि पशुपति लगिएको थियो। उनलाई राष्ट्रिय सम्मानका साथ बुधबार पशुपति आर्यघाटमा अन्त्येष्टि गरिएको हो । दिवंगत दाहालको पार्थिव शरीरमा प्रधानमन्त्री पुष्पकमल दाहाल र उनका दुई छोरीहरू रेणु र गंगा दाहालले दागबत्ती दिएका थिए ।
सत्य, तथ्य र स्वतन्त्र सामूदायिक डिजिटल मिडिया
